14.51C Vancouver 14.51C VancouverNov 4, 2021 7:25 PM - The Canadian Press
ਵਿਕਟੋਰੀਆ ਪੁਲਿਸ ਦਾ ਕਹਿਣਾ ਹੈ ਕਿ ਸਾਰੇ ਸਟਾਫ਼ ਲਈ ਕੋਵਿਡ-19 ਵੈਕਸੀਨ ਮੈਂਡੇਟ ਲਾਗੂ ਕੀਤਾ ਜਾ ਰਿਹਾ ਹੈ।
ਇਹ ਫੈਸਲਾ ਫਰੰਟ ਲਾਈਨ ਅਫਸਰਾਂ, ਸਿਵਿਲੀਅਨ ਸਟਾਫ਼, ਸਪੈਸ਼ਲ ਮਿਊਨਿਸਿਪਲ ਕਾਂਸਟੇਬਲਸ, ਵੋਲੰਟੀਅਰਸ ਅਤੇ ਕੰਟ੍ਰੈਕਟਰਸ 'ਤੇ ਲਾਗੂ ਹੋਵੇਗਾ।
ਪੁਲਿਸ ਦਾ ਕਹਿਣਾ ਹੈ ਕਿ ਸਟਾਫ਼ ਲਈ 15 ਨਵੰਬਰ ਤੋਂ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹੋਣ ਦਾ ਪ੍ਰਮਾਣ ਪੇਸ਼ ਕਰਨਾ ਜਰੂਰੀ ਹੋਵੇਗਾ।
ਜਿਹੜੇ ਕਰਮਚਾਰੀ ਅਜਿਹਾ ਨਹੀਂ ਕਰਨਗੇ ਉਨ੍ਹਾਂ ਲਈ ਲਗਾਤਾਰ ਕੋਵਿਡ-19 ਐਂਟੀਜੈਨ ਟੈਸਟਿੰਗ ਸ਼ੁਰੂ ਕੀਤੀ ਜਾਵੇਗੀ।
ਪੁਲਿਸ ਚੀਫ਼, ਡੈਲ ਮਾਨਕ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਦਾ ਬਹੁਤਾ ਸਟਾਫ਼ ਵੈਕਸੀਨੇਟਿਡ ਹੈ ਪਰ ਇਸ ਨਵੇਂ ਫੈਸਲੇ ਨਾਲ ਵਧੇਰੇ ਸਾਵਧਾਨੀ ਵਰਤੀ ਜਾ ਸਕੇਗੀ ਕਿ ਸਟਾਫ਼ ਮੈਂਬਰ ਅਤੇ ਲੋਕ ਹੋਰ ਸੁਰੱਖਿਅਤ ਰਹਿ ਸਕਣ।
