12.69C Vancouver 12.69C VancouverJun 11, 2021 3:31 PM -
ਸਿਟੀ ਆਫ ਵਿਕਟੋਰੀਆ ਵਲੋਂ 1 ਜੁਲਾਈ ਨੂੰ ਕੈਨੇਡਾ ਡੇਅ ਦੇ ਮੌਕੇ ’ਤੇ ਹੋਣ ਵਾਲਾ ਖਾਸ ਸਮਾਗਮ ਰੱਦ ਕਰ ਦਿੱਤਾ ਹੈ।
ਵਿਕਟੋਰੀਆ ਦੇ ਸਿਟੀ ਕਾਊਂਸਲਰਾਂ ਨੇ ਇੱਕ ਕਨੇਡੀਅਨ ਹੋਣ ਦਾ ਮਤਲਬ ਕੀ ਹੈ, ਇਸ ਬਾਰੇ ਸੋਚ-ਸਮਝ ਕੇ ਸਰਬਸੰਮਤੀ ਨਾਲ ਯੋਜਨਾਬੱਧ ਕੈਨੇਡਾ ਡੇਅ ਪ੍ਰਸਾਰਣ ਨੂੰ ਰੱਦ ਕਰਨ ਲਈ ਵੋਟ ਦਿੱਤੀ ਹੈ।
ਵਿਕਟੋਰੀਆ ਦੀ ਮੇਅਰ ਲੀਸਾ ਹੈਲਪਜ਼ ਨੇ ਇਸ ਸੰਬੰਧ ਵਿੱਚ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਕੈਮਲੂਪਸ ਦੇ ਸਾਬਕਾ ਰੈਜ਼ੀਡੇਂਸ਼ਲ ਸਕੂਲ ਵਿੱਚ ਬੀਤੇ ਦਿਨੀ ਮਿਲੇ ਦਫ਼ਨ 215 ਇੰਡੀਜਨਸ ਬੱਚਿਆਂ ਦੀ ਘਟਨਾ ਨੇ ਦੇਸ਼ ਭਰ ਵਿੱਚ ਲੋਕਾਂ ’ਤੇ ਡੂੰਘਾ ਅਸਰ ਕੀਤਾ ਹੈ ਅਤੇ ਹਰ ਵਿਅਕਤੀ ਇਸ ਸਮੇਂ ਅਗਾਂਹ ਵਧਣ ਦੀ ਹਿੰਮਤ ਜੁਟਾ ਰਿਹਾ ਹੈ।
ਕੈਨੇਡਾ ਡੇਅ ਦੇ ਜਸ਼ਨਾਂ ਦੀ ਜਗ੍ਹਾ ’ਤੇ ਸਥਾਨਕ ਫਰਸਟ ਨੇਸ਼ਨਜ਼ ਭਾਈਚਾਰੇ ਦੇ ਲੋਕਾਂ ਵਲੋਂ ਕਨੇਡੀਅਨ ਇਤਿਹਾਸ ’ਤੇ ਚਾਨਣਾ ਪਾਉਂਦੀ ਖਾਸ ਪੇਸ਼ਕਸ਼ ਸਾਂਝੀ ਕੀਤੀ ਜਾਵੇਗੀ।
ਹੈਲਪਜ਼ ਮੁਤਾਬਕ ਇਹ ਪੂਰੇ ਦੇਸ਼ ਲਈ ਬੇਹੱਦ ਚੁਣੌਤੀਪੂਰਨ ਸਮਾਂ ਹੈ।
