10.19C Vancouver 10.19C VancouverMar 30, 2021 7:29 PM -
ਨਿਊ ਯਾਰਕ ਪੁਲਿਸ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਇੱਕ ਏਸ਼ਿਆਈ ਅਮਰੀਕੀ ਔਰਤ 'ਤੇ ਇੱਕ ਆਦਮੀ ਨੇ ਹਮਲਾ ਕਰ ਦਿੱਤਾ ਅਤੇ ਲੋਕ ਖੜੇ ਵੇਖਦੇ ਰਹੇ।
ਔਰਤ ਦੀ ਉਮਰ 65 ਸਾਲ ਦੱਸੀ ਗਈ ਹੈ ਅਤੇ ਉਸ ਨੂੰ ਬੇਹੱਦ ਗੰਭੀਰ ਜ਼ਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਹੈ।
ਮਾਮਲਾ ਨਸਲਵਾਦੀ ਹਮਲੇ ਦਾ ਮੰਨਿਆ ਜਾ ਰਿਹਾ ਹੈ।
ਪੁਲਿਸ ਨੇ ਦੱਸਿਆ ਕਿ ਔਰਤ ਸੋਮਵਾਰ ਦੁਪਹਿਰ ਦੇ ਸਮੇਂ ਤੁਰ ਕੇ ਜਾ ਰਹੀ ਸੀ ਜਦ ਇੱਕ ਆਦਮੀ ਨੇ ਉਸ ਤਕ ਪਹੁੰਚ ਕੀਤੀ ਅਤੇ ਉਸ ਦੇ ਢਿੱਡ 'ਚ ਲੱਤ ਮਾਰੀ।
ਔਰਤ ਡਿੱਗ ਗਈ। ਫਿਰ ਆਦਮੀ ਨੇ ਕਥਿਤ ਤੌਰ 'ਤੇ ਕਈ ਵਾਰ ਉਸ ਦੇ ਚਿਹਰੇ ਨੂੰ ਮਸਲ ਦਿੱਤਾ।
ਹਮਲੇ ਦੌਰਾਨ ਉਸ ਨੇ ਕੁਝ ਐਂਟੀ-ਏਸ਼ਿਆਈ ਟਿੱਪਣੀਆਂ ਵੀ ਕੀਤੀਆਂ।
ਸਰਵੇਲੈਂਸ ਫੁਟੇਜ 'ਚ ਵਿਅਕਤੀ ਨੂੰ ਮੌਕੇ ਤੋਂ ਤੁਰ ਕੇ ਜਾਂਦੇ ਵੇਖਿਆ ਜਾ ਸਕਦਾ ਹੈ।
ਐਨ.ਵਾਈ.ਪੀ.ਡੀ. ਦੇ ਹੇਟ ਕ੍ਰਾਈਮ ਟਾਸਕ ਫੋਰਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
