29.7C Vancouver 29.7C VancouverApr 6, 2021 5:29 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਅੱਜ ਦਾ ਦਿਨ ਦੇਸ਼ ਦੇ ਬਹੁਤ ਸਾਰੇ ਲੋਕਾਂ ਲਈ ਕਾਫੀ ਮੁਸ਼ਕਿਲ ਭਰਿਆ ਹੈ।
ਉਨ੍ਹਾਂ ਕਿਹਾ ਕਿ ਅੱਜ ਹੰਬੋਲਟ ਬਰੌਂਕਸ ਜੂਨੀਅਰ ਹਾਕੀ ਟੀਮ ਨਾਲ ਵਾਪਰੀ ਘਟਨਾ ਨੂੰ 3 ਸਾਲ ਹੋ ਚੁੱਕੇ ਹਨ।
ਟਰੂਡੋ ਨੇ ਕਿਹਾ ਕਿ ਅੱਜ ਸਾਡੀਆਂ ਯਾਦਾਂ 'ਚ ਉਹ 16 ਲੋਕ ਹਨ ਜਿੰਨਾ ਉਸ ਦੁਰਘਟਨਾ 'ਚ ਜਾਨ ਗਵਾ ਦਿੱਤੀ ਸੀ।
ਉਨ੍ਹਾਂ ਕਿਹਾ ਕਿ ਸਮੇਂ ਤੋਂ ਪਹਿਲਾਂ ਹੀ ਉਹ 16 ਲੋਕ ਵਿਛੋੜਾ ਪਾ ਗਏ ਸਨ।
ਯਾਦ ਰਹੇ ਹੰਬੋਲਟ ਬਰੌਂਕਸ ਟੀਮ ਦੀ ਬੱਸ ਨਾਲ ਇੱਕ ਸੈਮੀ-ਟਰੇਲਰ ਟਕਰਾ ਗਿਆ ਸੀ ਅਤੇ ਇਸ ਦੌਰਾਨ 16 ਲੋਕਾਂ ਦੀ ਮੌਤ ਹੋ ਗਈ ਸੀ ਜਦਕਿ 13 ਲੋਕ ਜ਼ਖਮੀ ਹੋ ਗਏ ਸਨ।
ਅੱਜ ਹੰਬੋਲਟ ਬਰੌਂਕਸ ਬੱਸ ਕ੍ਰੈਸ਼ ਦੀ ਯਾਦ 'ਚ ਇੱਕ ਵਰਚੁਅਲ ਟ੍ਰਿਬਿਊਟ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ।
6 ਅਪ੍ਰੈਲ 2018 ਦੀ ਘਟਨਾ, ਸਸਕੈਚਵਿਨ ਦੇ ਟਿਸਡੇਲ ਕੋਲ ਵਾਪਰੀ ਸੀ।
ਅੱਜ ਸੇਂਟ ਔਗਸਟੀਨ ਕੈਥੋਲਿਕ ਚਰਚ (St. Augustine Catholic Church) ਵੱਲੋਂ ਕੀਤੀ ਜਾਣ ਵਾਲੀ ਵਰਚੁਅਲ ਸੇਵਾ ਦਾ ਸਿੱਧਾ ਪ੍ਰਸਾਰਣ ਸਿਟੀ ਆਫ ਹੰਬੋਲਟ ਦੇ ਫੇਸਬੁੱਕ ਪੇਜ 'ਤੇ ਕੀਤਾ ਜਾਵੇਗਾ।
ਇਸ ਦੌਰਾਨ ਸ਼ਾਮ 4.50 ਵਜੇ ਕੁਝ ਪਲਾਂ ਦਾ ਮੌਨ ਵੀ ਰੱਖਿਆ ਜਾਵੇਗਾ।
ਮੇਅਰ ਨੇ ਅੱਜ ਦੇ ਦਿਨ ਨੂੰ "2017-18 ਹੰਬੋਲਟ ਬਰੌਂਕਸ ਡੇਅ" ਦਾ ਨਾਮ ਦਿੱਤਾ ਹੈ, ਅਤੇ ਉਨ੍ਹਾਂ ਕਿਹਾ ਕਿ ਇਸ ਨੂੰ ਹਰ 6 ਅਪ੍ਰੈਲ ਨੂੰ ਇਸੇ ਵਜੋਂ ਯਾਦ ਰੱਖਿਆ ਜਾਵੇਗਾ।
