10.43C Vancouver 10.43C VancouverNov 9, 2023 8:22 PM - The Canadian Press
ਅਮਰੀਕਾ ਦੇ ਰਾਸ਼ਟਰਪਤੀ ਲਈ ਰਿਪਬਲਿਕਨ ਪਾਰਟੀ ਤੋਂ ਉਮੀਦਵਾਰੀ ਦੀ ਰੇਸ ਵਿੱਚ ਸ਼ਾਮਲ ਵਿਵੇਕ ਰਾਮਾਸਵਾਮੀ ਨੇ ਫੈਂਟਾਨਿਲ ਦੀ ਤਸਕਰੀ ਦਾ ਹਵਾਲਾ ਦਿੰਦੇ ਹੋਏ ਕੈਨੇਡਾ ਨਾਲ ਲੱਗਦੇ ਬਾਰਡਰ 'ਤੇ ਕੰਧ ਕਰਨ ਦਾ ਵਿਚਾਰ ਪੇਸ਼ ਕੀਤਾ ਹੈ।
ਉਨ੍ਹਾਂ ਬੀਤੀ ਰਾਤ ਮਿਆਮੀ ਵਿੱਚ ਤੀਜੀ ਪ੍ਰਾਇਮਰੀ ਬਹਿਸ ਦੌਰਾਨ ਇਹ ਗੱਲ ਆਖੀ।
ਉਨ੍ਹਾਂ ਸਰਹੱਦ ਸੁਰੱਖਿਆ ਟਿੱਪਣੀਆਂ ਕਰਦਿਆਂ ਕਿਹਾ ਕਿ ਜਿੱਥੋਂ ਤੱਕ ਮੈਨੂੰ ਪਤਾ ਹੈ, ਮੈਂ ਇਸ ਮੰਚ 'ਤੇ ਇਕਲੌਤਾ ਉਮੀਦਵਾਰ ਹਾਂ, ਜਿਸ ਨੇ ਅਸਲ ਵਿੱਚ ਉੱਤਰੀ ਸਰਹੱਦ ਦਾ ਦੌਰਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲ ਉੱਤਰੀ ਸਰਹੱਦ 'ਤੇ ਫੜ੍ਹੀ ਗਈ ਫੈਂਟਾਨਿਲ ਇੰਨੀ ਸੀ ਕਿ ਇਸ ਨਾਲ 3 ਮਿਲੀਅਨ ਅਮਰੀਕੀਆਂ ਨੂੰ ਮਾਰਿਆ ਜਾ ਸਕਦਾ ਸੀ।
ਰਾਮਾਸਵਾਮੀ ਇਸ ਮੁੱਦੇ ਨੂੰ ਹੁਣ ਆਪਣੇ ਮੰਚ ਤੋਂ ਉਠਾ ਰਹੇ ਹਨ, ਇਸ ਤੋਂ ਪਿਛਲੇ ਮਹੀਨੇ ਇਸ ਬਾਰੇ ਉਨ੍ਹਾਂ ਟਵੀਟ ਵੀ ਕੀਤਾ ਸੀ।
ਕੈਨੇਡਾ ਦੀ ਸਰਹੱਦ ਨਾਲ ਬਾਰਡਰ 'ਤੇ ਕੰਧ ਬਣਾਉਣ ਬਾਰੇ ਗੱਲ ਕਰਨ ਵਾਲੇ ਰਾਮਾਸਵਾਮੀ ਪਹਿਲੇ ਰਿਪਬਲਿਕਨ ਉਮੀਦਵਾਰ ਨਹੀਂ ਹਨ।
2016 ਦੀ ਮੁਹਿੰਮ ਵਿੱਚ ਸਕਾਟ ਵਾਕਰ ਨੇ ਵੀ ਇਹ ਮੁੱਦਾ ਬਣਾਇਆ ਸੀ।
