20.28C Vancouver 20.28C VancouverJun 24, 2024 5:00 PM - The Canadian Press
ਟੋਰਾਂਟੋ ਸੈਂਟ ਪਾਲ ਦੇ ਸੰਸਦੀ ਹਲਕੇ ਵਿਚ ਅੱਜ ਜ਼ਿਮਨੀ ਚੋਣ ਹੋ ਰਹੀ ਹੈ, ਇਹ ਸੀਟ ਲੰਮਾ ਸਮਾਂ ਲਿਬਰਲ ਦਾ ਗੜ੍ਹ ਰਹੀ ਹੈ ਪਰ ਇਸ ਵਾਰ ਕੰਜ਼ਰਵੇਟਿਵ ਪਾਰਟੀ ਨਾਲ ਔਖੇ ਮੁਕਾਬਲੇ ਵਿਚ ਰਾਜਨੀਤਕ ਮਾਹਰਾਂ ਦੀ ਨਜ਼ਰ ਇਸ ਗੱਲ ’ਤੇ ਹੈ ਕਿ ਕੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਪਾਰਟੀ ਪਿਛਲੇ 10 ਇਲੈਕਸ਼ਨਸ ਤੋਂ ਜਿੱਤਦੀ ਆ ਰਹੀ ਇਸ ਸੀਟ ਨੂੰ ਬਚਾਏ ਰੱਖਣ ਵਿਚ ਸਫਲ ਰਹਿੰਦੀ ਹੈ ਜਾਂ ਨਹੀਂ।
ਰਾਜਨੀਤਕ ਮਾਹਰਾਂ ਦਾ ਕਹਿਣਾ ਹੈ ਕਿ ਜੇ ਇਹ ਸੀਟ ਕੰਜ਼ਰਵੇਟਿਵ ਜਿੱਤਦੀ ਹੈ ਤਾਂ ਟਰੂਡੋ ’ਤੇ ਲਿਬਰਲ ਦੇ ਲੀਡਰ ਵਜੋਂ ਅਸਤੀਫਾ ਦੇਣ ਦਾ ਦਬਾਅ ਵੱਧ ਜਾਵੇਗਾ, ਇੱਥੋਂ ਤੱਕ ਜੇ ਕੰਜ਼ਰਵੇਟਿਵ ਪਾਰਟੀ ਮਾਮੂਲੀ ਵੋਟਾਂ ਦੇ ਫਰਕ ਨਾਲ ਹਾਰਦੀ ਹੈ ਤਾਂ ਵੀ ਇਹ ਟਰੂਡੋ ਲਈ ਪ੍ਰੇਸ਼ਾਨੀ ਦਾ ਸਬਬ ਬਣ ਸਕਦੀ ਹੈ।
ਟੋਰਾਂਟੋ ਸੈਂਟ ਪਾਲ ਦੀ ਪਾਰਲੀਮੈਂਟ ਸੀਟ ਲਿਬਰਲ ਐਮਪੀ ਕੈਰੋਲਿਨ ਬੇਨੇਟ ਵਲੋਂ ਅਸਤੀਫਾ ਦਿੱਤੇ ਜਾਣ ਨਾਲ ਖਾਲੀ ਹੋਈ ਸੀ। ਉਨ੍ਹਾਂ ਕਰੀਬ 26 ਸਾਲ ਇਸ ਹਲਕੇ ਦੀ ਨੁਮਾਇੰਦਗੀ ਕੀਤੀ।
ਲਿਬਰਲ ਵਲੋਂ ਇੱਥੇ ਮਹਿਲਾ ਉਮੀਦਵਾਰ ਅਤੇ ਪਾਰਟੀ ਦੀ ਸਾਬਕਾ ਕਰਮਚਾਰੀ ਲੈਸਲੀ ਚਰਚ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ, ਜਦੋਂ ਕਿ ਉਨ੍ਹਾਂ ਦੇ ਮੁੱਖ ਵਿਰੋਧੀ ਕੰਜ਼ਰਵੇਟਿਵ ਉਮੀਦਵਾਰ ਡੌਨ ਸਟੀਵਰਟ ਇੱਕ ਵਿੱਤੀ ਤੇ ਮਾਰਕੀਟਿੰਗ ਮਾਹਰ ਹਨ ਅਤੇ ਲੰਮੇ ਸਮੇਂ ਤੋਂ ਕੰਜ਼ਰਵੇਟਿਵ ਦੇ ਮੁਹਿੰਮ ਦੇ ਡਾਇਰੈਕਟਰ ਵੀ ਰਹੇ ਹਨ।
