18.49C Vancouver 18.49C VancouverApr 8, 2022 11:01 PM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ 'ਵਿਜ਼ੁਅਲੀ ਇੰਪੇਅਰਡ ਪੈਦਲ ਯਾਤਰੀ 'ਤੇ ਵਾਪਰੇ ਹਮਲੇ ਦੇ ਮਾਮਲੇ 'ਚ ਗਵਾਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਘਟਨਾ ਉਸ ਵੇਲੇ ਵਾਪਰੀ ਜਦ ਇੱਕ 69 ਸਾਲਾ ਆਦਮੀ ਥਰਲੋ ਅਤੇ ਐਲਬਰਨੀ ਸਟ੍ਰੀਟਸ ਦੇ ਕੋਲ ਕਰੌਸਵਾਕ 'ਤੇ ਤੁਰ ਕੇ ਜਾ ਰਿਹਾ ਸੀ।
31 ਮਾਰਚ ਨੂੰ ਸਵੇਰੇ ਕਰੀਬ 11 ਵਜੇ ਉਸ 'ਤੇ ਹਮਲਾ ਕੀਤਾ ਗਿਆ।
ਪੁਲਿਸ ਅਨੁਸਾਰ ਇੱਕ ਵਿਅਕਤੀ ਨੇ ਇਸ ਆਦਮੀ ਨੂੰ ਢਿੱਢ 'ਚ ਮੁੱਕਾ ਮਾਰਿਆ।
ਪੀੜਤ ਨੂੰ ਮੌਕੇ 'ਤੇ ਛੱਡ ਸ਼ੱਕੀ ਮੌਕੇ ਤੋਂ ਦੌੜ ਨਿਕਲਿਆ।
ਪੁਲਿਸ ਦੇ ਪਹੁੰਚਣ ਤਕ ਆਦਮੀ ਫਰਾਰ ਹੋ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਨੂੰ ਗੰਭੀਰ ਸੱਟਾਂ ਤੋਂ ਬਚਾਅ ਰਿਹਾ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਦਾ ਕਹਿਣਾ ਸੀ ਕਿ ਜਾਪਦਾ ਸੀ ਕਿ ਪੀੜਤ ਦੀ ਹਮਲਾਵਰ ਨਾਲ ਪਹਿਲਾਂ ਕੋਈ ਗੱਲਬਾਤ ਨਹੀਂ ਹੋਈ ਸੀ।
ਉਨ੍ਹਾਂ ਕਿਹਾ ਕਿ ਪੁਲਿਸ ਸਮਝਦੀ ਹੈ ਕਿ ਅਜਿਹੀਆਂ ਘਟਨਾਵਾਂ ਕਮਿਊਨਿਟੀ ਲਈ ਪ੍ਰੇਸ਼ਾਨੀ ਭਰੀਆਂ ਹੋ ਸਕਦੀਆਂ ਹਨ।
