16C Vancouver 16C VancouverMar 24, 2022 11:19 PM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ 2 ਆਦਮੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਕਥਿਤ ਤੌਰ 'ਤੇ ਇਨ੍ਹਾਂ ਦੋਵਾਂ ਨੇ $16,000 ਤੋਂ ਵਧੇਰੇ ਦੇ ਮਰਚੈਂਡਾਈਜ ਦੀ ਚੋਰੀ ਕੀਤੀ ਸੀ।
ਮਾਮਲਾ ਕਿਟਸੀਲਾਨੋ ਇਲਾਕੇ 'ਚ ਸਥਿਤ ਇੱਕ ਕੱਪੜਿਆਂ ਦੇ ਸਟੋਰ ਨਾਲ ਸੰਬੰਧਤ ਹੈ।
ਘਟਨਾ ਬੁੱਧਵਾਰ ਸਵੇਰ ਦੀ ਦੱਸੀ ਗਈ।
ਸਟੋਰ ਦੇ ਨੇੜੇ ਰਹਿਣ ਵਾਲੀ ਇੱਕ 35 ਸਾਲਾ ਔਰਤ ਨੇ ਪੁਲਿਸ ਨੂੰ ਸਵੇਰੇ ਕਰੀਬ 4.20 ਵਜੇ 'ਤੇ ਸੰਪਰਕ ਕੀਤਾ ਸੀ।
ਔਰਤ ਦਾ ਕਹਿਣਾ ਸੀ ਕਿ ਉਸ ਦੀ ਅੱਖ ਉਸ ਵੇਲੇ ਖੁੱਲ੍ਹ ਗਈ ਸੀ ਜਦ ਇੱਕ ਸਟੋਰ ਦੇ ਸ਼ੀਸ਼ੇ ਭੰਨਣ ਅਤੇ ਅਲਾਰਮ ਦੀ ਆਵਾਜ਼ ਸੁਣਾਈ ਦਿੱਤੀ ਸੀ।
ਇਹ ਸਟੋਰ ਆਰਬਿਉਟਸ ਸਟ੍ਰੀਟ ਅਤੇ ਵੈਸਟ 4 ਐਵੀਨਿਊ ਕੋਲ ਸਥਿਤ ਦੱਸਿਆ ਗਿਆ।
ਪੁਲਿਸ ਦੇ ਮੌਕੇ 'ਤੇ ਪਹੁੰਚਣ ਤੋਂ ਪਹਿਲਾਂ ਸ਼ੱਕੀ ਫਰਾਰ ਹੋ ਗਏ ਸਨ, ਪਰ ਇੱਕ ਅਫ਼ਸਰ ਦੀ ਸਾਵਧਾਨੀ ਆਸਰੇ ਇੱਕ ਬੱਤੀਆਂ ਨੂੰ ਬੰਦ ਕਰ ਕੇ ਜਾਂਦੀ ਟੈਕਸੀ ਨੂੰ ਰੋਕਿਆ ਗਿਆ।
ਇਸ ਟੈਕਸੀ 'ਚ ਦੋਵੇਂ ਸ਼ੱਕੀ ਸਵਾਰ ਸਨ ਅਤੇ ਉਨ੍ਹਾਂ ਕੋਲ $16,000 ਦਾ ਚੋਰੀ ਦਾ ਸਾਮਾਨ ਵੀ ਮਿਲ ਗਿਆ।
ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਦੀ ਪਛਾਣ 57 ਸਾਲਾ ਜੌਨ ਐਰਿਕਸਨ ਅਤੇ 40 ਸਾਲਾ ਸਕੌਟ ਰੌਬਿਨਸਨ ਵਜੋਂ ਹੋਈ ਹੈ।
