13.46C Vancouver 13.46C VancouverOct 13, 2022 8:23 PM - Connect News
ਵੈਨਕੂਵਰ ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਦੇ ਸਹਿਯੋਗ ਨਾਲ ਕੀਤੀ ਗਈ ਜਾਂਚ ਵਿੱਚ 2 ਜਿਨਸੀ ਹਮਲਿਆਂ ਦੇ ਮਾਮਲਿਆਂ ਵਿੱਚ ਇੱਕ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਸ਼ੱਕੀ ਦੀ ਪਛਾਣ 19 ਸਾਲਾ ਬ੍ਰਾਇਸ ਮਾਈਕਲ ਫਲੋਰਸ ਬੈਬਿੰਗਟਨ ਵਜੋਂ ਹੋਈ ਹੈ। ਇਸੇ ਸਾਲ 6 ਜੁਲਾਈ ਨੂੰ ਸ਼ਾਮ ਕਰੀਬ 7.30 ਵਜੇ ਇੱਕ 24 ਸਾਲਾ ਔਰਤ ਨੇ ਦੱਸਿਆ ਸੀ ਕਿ ਇੱਕ ਸ਼ੱਕੀ ਨੇ ਗ੍ਰੈਨਵਿਲ ਸਕਾਈਟਰੇਨ ਸਟੇਸ਼ਨ 'ਚ ਐਸਕਲੇਟਰ 'ਤੇ ਉਸ 'ਤੇ ਜਿਨਸੀ ਹਮਲਾ ਕੀਤਾ ਸੀ। ਇਸ ਤੋਂ ਅਗਲੇ ਦਿਨ ਦੁਪਹਿਰ ਕਰੀਬ 2 ਵਜੇ ਇੱਕ 38 ਸਾਲਾ ਔਰਤ 'ਤੇ ਵੈਸਟ ਬ੍ਰੌਡਵੇਅ ਅਤੇ ਐਸ਼ ਸਟ੍ਰੀਟ ਕੋਲ ਜਿਨਸੀ ਹਮਲਾ ਕਰ ਦਿੱਤਾ ਗਿਆ। ਇਸ ਮਾਮਲੇ 'ਚ 19 ਸਾਲਾ ਸ਼ੱਕੀ ਨੂੰ ਅੱਜ ਸਵੇਰ ਦੇ ਸਮੇਂ ਗ੍ਰਿਫਤਾਰ ਕੀਤਾ ਗਿਆ ਅਤੇ ਉਸ ਨੂੰ ਹਿਰਾਸਤ ਵਿੱਚ ਰੱਖਿਆ ਗਿਆ ਹੈ। ਇਸੇ ਸ਼ੱਕੀ ਦਾ ਨਾਮ ਇਸੇ ਮਹੀਨੇ 3 ਅਕਤੂਬਰ ਨੂੰ ਸਾਹਮਣੇ ਆਈ ਇੱਕ ਖਬਰ 'ਚ ਵੀ ਉਜਾਗਰ ਹੋਇਆ ਸੀ ਜਦ ਇੱਕ 29 ਸਾਲਾ ਔਰਤ 'ਤੇ ਡੇਵੀ ਅਤੇ ਹਾਓ ਸਟ੍ਰੀਟਸ ਦੇ ਇਲਾਕੇ ਵਿੱਚ ਹਮਲਾ ਕਰ ਦਿੱਤਾ ਗਿਆ ਸੀ।
