22.2C Vancouver 22.2C VancouverOct 11, 2022 11:26 PM - Connect News
ਵੈਨਕੂਵਰ ਪੁਲਿਸ ਵੱਲੋਂ ਗੋਲੀ ਚੱਲਣ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਅਨੁਸਾਰ ਅੱਜ ਸਵੇਰ ਦੇ ਸਮੇਂ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਗੋਲੀ ਚੱਲਣ ਤੋਂ ਇਲਾਵਾ ਬੇਅਰ ਸਪਰੇ ਨਾਲ ਵੀ ਹਮਲਾ ਕੀਤਾ ਗਿਆ ਸੀ।
ਕਾਂਸਟੇਬਲ ਜੇਸਨ ਡੁਸੈਟ ਦਾ ਕਹਿਣਾ ਹੈ ਕਿ ਕੁਝ ਹੀ ਮਿੰਟਾਂ 'ਚ ਅਫ਼ਸਰ ਮੌਕੇ 'ਤੇ ਪਹੁੰਚ ਗਏ ਸਨ ਪਰ ਕੋਈ ਪੀੜਤ ਲੋਕੇਟ ਨਹੀਂ ਹੋਇਆ।
ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਇਲਾਕਾ ਭੀੜ ਵਾਲਾ ਹੈ ਅਤੇ ਉਨ੍ਹਾਂ ਨੂੰ ਚਿੰਤਾ ਹੈ ਕਿ ਕਿਸੇ ਦੇ ਗੋਲੀ ਲੱਗੀ ਹੋ ਸਕਦੀ ਹੈ।
ਕਾਂਸਟੇਬਲ ਡੁਸੈਟ ਨੇ ਕਿਹਾ ਕਿ ਜੇਕਰ ਕਿਸੇ ਨੂੰ ਗੋਲੀ ਲੱਗੀ ਹੈ ਤਾਂ ਮੈਡਿਕਲ ਮਦਦ ਹਾਸਿਲ ਕੀਤੀ ਜਾਵੇ ਅਤੇ ਪੁਲਿਸ ਨੂੰ ਰਿਪੋਰਟ ਕੀਤਾ ਜਾਵੇ।
ਘਟਨਾ ਅੱਜ ਸਵੇਰ ਕਰੀਬ 11 ਵਜੇ ਈਸਟ ਹੇਸਟਿੰਗਸ ਅਤੇ ਕੋਲੰਬੀਆ ਸਟ੍ਰੀਟਸ ਕੋਲ ਵਾਪਰੀ ਦੱਸੀ ਗਈ ਹੈ।
ਕਿਸੇ ਨੇ ਗੋਲੀ ਚਲਾਈ ਅਤੇ ਫਿਰ ਬੇਅਰ ਸਪਰੇ ਦੀ ਵਰਤੋਂ ਕੀਤੀ ਅਤੇ ਮੌਕੇ ਤੋਂ ਰਫੂਚੱਕਰ ਹੋ ਗਿਆ।
ਪੁਲਿਸ ਨੂੰ ਮੌਕੇ 'ਤੇ ਗੋਲੀ ਚੱਲਣ ਦੇ ਸਬੂਤ ਮਿਲੇ ਹਨ।
