11.9C Vancouver 11.9C VancouverNov 16, 2022 10:55 PM - Connect News
ਵੈਨਕੂਵਰ ਪੁਲਿਸ ਨੇ ਇੱਕ ਵੀਡੀਓ ਅਤੇ ਕੁਝ ਤਸਵੀਰਾਂ ਜਾਰੀ ਕਰ ਇੱਕ ਸ਼ੱਕੀ ਦੀ ਪਛਾਣ 'ਚ ਮਦਦ ਦੀ ਅਪੀਲ ਕੀਤੀ ਹੈ।
ਮਾਮਲਾ ਡਾਊਨਟਾਊਨ ਇਲਾਕੇ 'ਚ ਇੱਕ ਸਿਕਿਉਰਿਟੀ ਗਾਰਡ ਨੂੰ ਧਮਕਾਉਣ ਨਾਲ ਸੰਬੰਧਤ ਹੈ।
ਘਟਨਾ 27 ਅਕਤੂਬਰ ਨੂੰ ਵਾਪਰੀ ਦੱਸੀ ਗਈ ਹੈ।
ਸ਼ਾਮ ਕਰੀਬ 7.30 ਵਜੇ ਹੋਟਲ ਵੈਨਕੂਵਰ ਦੇ ਬਰੀਜ਼ਵੇ 'ਚ ਇੱਕ ਸ਼ੱਕੀ ਲਿਟਰਿੰਗ ਕਰ ਰਿਹਾ ਸੀ ਅਤੇ ਸ਼ੱਕੀ ਨੂੰ ਇਲਾਕੇ ਤੋਂ ਜਾਣ ਲਈ ਆਖਿਆ ਗਿਆ।
ਉਸ ਤੋਂ ਕੁਝ ਦੂਰੀ 'ਤੇ ਖੜੇ ਸਿਕਿਉਰਿਟੀ ਗਾਰਡ ਵੱਲ ਸ਼ੱਕੀ ਨੇ ਅਚਾਨਕ ਵਧ ਕੇ ਚਾਕੂ ਨਾਲ ਹਮਲੇ ਦੀ ਕੋਸ਼ਿਸ਼ ਕੀਤੀ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਪੂਰੀ ਘਟਨਾ ਦੀ ਸਰਵੇਲੈਂਸ ਵੀਡੀਓ ਹਾਸਿਲ ਕਰ ਲਈ ਗਈ ਹੈ।
ਉਨ੍ਹਾਂ ਕਿਹਾ ਕਿ ਘਟਨਾ ਦਾ ਸਮਾਂ ਅਤੇ ਦਿਨ ਸਾਂਝਾ ਕਰਨ ਨਾਲ ਉਮੀਦ ਹੈ ਕਿ ਸ਼ੱਕੀ ਦੀ ਪਛਾਣ 'ਚ ਮਦਦ ਮਿਲੇਗੀ।
ਪੁਲਿਸ ਦਾ ਕਹਿਣਾ ਹੈ ਕਿ ਸ਼ੱਕੀ ਦੀ ਉਮਰ 20 ਤੋਂ 30 ਸਾਲ ਦਰਮਿਆਨ ਅਤੇ ਉਸ ਦਾ ਕੱਦ ਕਰੀਬ 6ਫੁੱਟ ਦੱਸਿਆ ਜਾ ਰਿਹਾ ਹੈ।
ਸਾਹਮਣੇ ਆਏ ਵੀਡੀਓ 'ਚ ਸ਼ੱਕੀ ਵੱਲੋਂ ਹਮਲੇ ਦੀ ਕੋਸ਼ਿਸ਼ ਦਰਮਿਆਨ ਸਿਕਿਉਰਿਟੀ ਗਾਰਡ ਦੀ ਚੁਸਤੀ ਅਤੇ ਫੁਰਤੀ ਵੀ ਵੇਖਣ ਨੂੰ ਮਿਲਦੀ ਹੈ।
