16.59C Vancouver 16.59C VancouverSep 29, 2022 12:20 AM - Connect News
ਵੈਨਕੂਵਰ ਪੁਲਿਸ ਇੱਕ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਜਿਸ ਦੌਰਾਨ ਇੱਕ ਔਰਤ 'ਤੇ ਹਮਲਾ ਕੀਤਾ ਗਿਆ ਅਤੇ ਕਥਿਤ ਤੌਰ 'ਤੇ ਹਮਲਾਵਰ ਵੱਲੋਂ ਨਸਲੀ ਟਿੱਪਣੀਆਂ ਵਰਤੀਆਂ ਗਈਆਂ।
ਪੀੜਤ ਔਰਤ ਦੀ ਉਮਰ 19 ਸਾਲ ਦੱਸੀ ਗਈ ਹੈ।
ਘਟਨਾ ਮੰਗਲਵਾਰ ਸਵੇਰ ਦੀ ਦੱਸੀ ਗਈ ਹੈ।
ਸਵੇਰ ਕਰੀਬ 9.50 ਵਜੇ ਇੱਕ 19 ਸਾਲਾ ਏਸ਼ੀਅਨ ਮੂਲ ਦੀ ਲੜਕੀ ਡਨਸਮੇਅਰ ਅਤੇ ਕੈਂਬੀ ਸਟ੍ਰੀਟ ਕੋਲ ਤੁਰ ਕੇ ਜਾ ਰਹੀ ਸੀ।
ਜਦ ਇੱਕ ਅਣਜਾਣ ਆਦਮੀ ਨੇ ਉਸ ਤਕ ਪਹੁੰਚ ਕੀਤੀ ਅਤੇ ਇੱਕ ਪਾਈਪ ਜਿਹੇ ਔਜਾਰ ਨਾਲ ਉਸ ਦੇ ਸਿਰ 'ਤੇ ਵਾਰ ਕਰ ਦਿੱਤਾ।
ਇਸ ਤੋਂ ਬਾਅਦ ਸ਼ੱਕੀ ਨੇ ਕੁਝ ਨਸਲੀ ਟਿੱਪਣੀ ਕੀਤੀ ਅਤੇ ਮੌਕੇ ਤੋਂ ਦੌੜ ਗਿਆ।
ਪੁਲਿਸ ਅਨੁਸਾਰ ਘਟਨਾ ਨੂੰ ਅਚਾਨਕ ਅੰਜਾਮ ਦਿੱਤਾ ਗਿਆ ਅਤੇ ਲੋਕਾਂ ਲਈ ਮੁਮਕਿਨ ਨਹੀਂ ਸੀ ਕਿ ਲੜਕੀ ਦਾ ਬਚਾਅ ਕੀਤਾ ਜਾ ਸਕਦਾ।
ਪੀੜਤ ਲੜਕੀ ਨੂੰ ਮੌਕੇ 'ਤੇ ਮੈਡਿਕਲ ਸਹਾਇਤਾ ਪ੍ਰਦਾਨ ਕੀਤੀ ਗਈ।
ਸ਼ੱਕੀ ਦੀ ਤਸਵੀਰ ਜਾਰੀ ਕਰ ਉਸ ਦੀ ਭਾਲ 'ਚ ਮਦਦ ਦੀ ਅਪੀਲ ਕੀਤੀ ਗਈ ਹੈ।
