21.25C Vancouver 21.25C VancouverJun 30, 2022 1:18 AM - Connect News
ਵੈਨਕੂਵਰ 'ਚ ਇੱਕ ਹਮਲੇ ਦੇ ਪੀੜਤ ਵਿਅਕਤੀ ਨੇ ਦਮ ਤੋੜ ਦਿੱਤਾ ਹੈ।
ਪੀੜਤ ਦੀ ਉਮਰ 56 ਸਾਲ ਦੱਸੀ ਗਈ ਹੈ।
ਮਾਮਲੇ 'ਚ ਇੱਕ 61 ਸਾਲਾ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਘਟਨਾ 2 ਜੂਨ ਨੂੰ ਵਾਪਰੀ ਦੱਸੀ ਗਈ ਹੈ।
ਈਸਟ ਫਰਸਟ ਐਵੀਨਿਊ ਅਤੇ ਮੇਨ ਸਟ੍ਰੀਟ ਦੀ ਇੰਟਰਸੈਕਸ਼ਨ ਕੋਲ ਪੁਲਿਸ ਨੂੰ ਇੱਕ ਹਮਲੇ ਸੰਬੰਧੀ ਜਾਣਕਾਰੀ ਮਿਲੀ ਸੀ।
ਅਫ਼ਸਰ ਸ਼ਾਮ ਕਰੀਬ 4.30 ਵਜੇ ਮੌਕੇ 'ਤੇ ਪਹੁੰਚੇ ਸਨ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ 56 ਸਾਲਾ ਸਕੌਟ ਕਾਰਵਰ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਆਦਮੀ ਨੇ ਹਸਪਤਾਲ 'ਚ ਦਮ ਤੋੜ ਦਿੱਤਾ ਹੈ।
ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਸ਼ੱਕੀ ਆਦਮੀ ਅਤੇ ਪੀੜਤ ਇੱਕ-ਦੂਜੇ ਨੂੰ ਜਾਣਦੇ ਸਨ।
ਪੁਲਿਸ ਨੇ ਇਹ ਸਪਸ਼ਟ ਨਹੀਂ ਕੀਤਾ ਕਿ ਕਾਰਵਰ ਦੀ ਮੌਤ ਕਦੋਂ ਹੋਈ ਸੀ ਜਾਂ ਮਾਮਲੇ 'ਚ ਗ੍ਰਿਫਤਾਰੀ ਕਦੋਂ ਕੀਤੀ ਗਈ ਸੀ।
ਸ਼ੱਕੀ ਆਦਮੀ ਖਿਲਾਫ ਦੋਸ਼ ਤੈਅ ਕੀਤੇ ਜਾਣਾ ਬਾਕੀ ਹੈ।
ਇਹ ਵੈਨਕੂਵਰ 'ਚ ਸਾਲ ਦਾ 7ਵਾਂ ਕਤਲ ਦਾ ਮਾਮਲਾ ਹੈ।
