11.57C Vancouver 11.57C VancouverNov 4, 2022 5:10 AM - Connect News
ਵੈਨਕੂਵਰ 'ਚ ਕਤਲ ਦੀ ਵਾਰਦਾਤ ਵਾਪਰ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਈਸਟ ਵੈਨਕੂਵਰ 'ਚ ਬੁੱਧਵਾਰ ਰਾਤ ਇੱਕ ਵਿਅਕਤੀ 'ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ ਗਿਆ।
ਰਾਤ ਕਰੀਬ 9.45 ਵਜੇ 911 ਕਾਲ ਜਰੀਏ ਪੁਲਿਸ ਨੂੰ ਦੱਸਿਆ ਗਿਆ ਸੀ ਕਿ ਰੈਨਫਰਿਉ ਸਟ੍ਰੀਟ ਗਰੈਵਲੀ ਸਟ੍ਰੀਟ ਦੇ ਇਲਾਕੇ 'ਚ ਇੱਕ ਆਦਮੀ 'ਤੇ ਹਮਲਾ ਕੀਤਾ ਗਿਆ ਹੈ।
ਪੀੜਤ ਦੀ ਉਮਰ 37 ਸਾਲ ਦੱਸੀ ਗਈ ਹੈ।
ਪੀੜਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੇ ਦਮ ਤੋੜ ਦਿੱਤਾ। ਮਾਮਲੇ 'ਚ ਫਿਲਹਾਲ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਫਿਲਹਾਲ ਸਪਸ਼ਟ ਨਹੀਂ ਹੈ ਕਿ ਘਟਨਾ ਟਾਰਗੈਟਿਡ ਸੀ ਜਾਂ ਨਹੀਂ।
ਉਨ੍ਹਾਂ ਕਿਹਾ ਕਿ ਘਟਨਾ ਪਿੱਛੇ ਦਾ ਇਰਾਦਾ ਵੀ ਸਪਸ਼ਟ ਨਹੀਂ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ 2 ਨਵੰਬਰ ਦੀ ਰਾਤ 9.30 ਵਜੇ ਤੋਂ 10.30 ਵਜੇ ਵਿਚਾਲੇ ਦੀ ਇਲਾਕੇ ਦੀ ਕੋਈ ਡੈਸ਼ ਕੈਮ ਫੁਟੇਜ ਹੋਵੇ ਤਾਂ ਦੱਸਿਆ ਜਾਵੇ।
