9.59C Vancouver 9.59C VancouverJul 29, 2025 7:09 PM - Connect Newsroom
ਵੈਨਕੂਵਰ ਪੁਲਿਸ ਨੇ ਐਤਵਾਰ ਨੂੰ ਡਾਊਨਟਾਊਨ ਵਿਚ ਇੱਕ 84 ਸਾਲਾ ਬਜ਼ੁਰਗ ਤੋਂ ਜ਼ਬਰਦਸਤੀ ਲੁੱਟਖੋਹ ਕਰਨ ਦੇ ਮਾਮਲੇ ਵਿਚ ਦੋ ਸ਼ੱਕੀਆਂ ਦਾ ਵੀਡੀਓ ਜਾਰੀ ਕੀਤਾ ਹੈ, ਜਿਸ ਵਿਚ ਇੱਕ ਲੜਕਾ ਅਤੇ ਲੜਕੀ ਸ਼ਾਮਲ ਹਨ।
ਪੁਲਿਸ ਨੇ ਕਿਹਾ ਕਿ 27 ਜੁਲਾਈ ਨੂੰ ਸਵੇਰ ਕਰੀਬ 11.30 ਵਜੇ ਇੱਕ ਬਜ਼ੁਰਗ ਮਹਿਲਾ ਹੋਮਰ ਅਤੇ ਵੈਸਟ ਪੈਂਡਰ ਸਟ੍ਰੀਟ ਕੋਲ ਖੜ੍ਹੀ ਸੀ, ਜਦੋਂ ਦੋ ਸ਼ੱਕੀ ਉਸ ਕੋਲ ਆਏ ਅਤੇ ਬਜ਼ੁਰਗ 'ਤੇ ਚੋਰੀ ਦਾ ਇਲਜ਼ਾਮ ਲਗਾਇਆ, ਫਿਰ ਇੱਕ ਸ਼ੱਕੀ ਨੇ ਬਜ਼ੁਰਗ ਦੀ ਸੋਟੀ ਖੋਹ ਲਈ ਅਤੇ ਦੂਜੇ ਸ਼ੱਕੀ ਨੇ ਉਸ ਦੇ ਮੋਢੇ ਤੋਂ ਪਰਸ ਧੂਣਾ ਸ਼ੁਰੂ ਕਰ ਦਿੱਤਾ, ਇਸ ਦੌਰਾਨ ਕਿਸੇ ਨੇ ਵਿਚ ਬਚਾਅ ਕੀਤਾ ਤੇ ਸ਼ੱਕੀ ਉਥੋਂ ਨਿਕਲ ਗਏ।
ਪੁਲਿਸ ਨੇ ਸ਼ੱਕੀ ਲੜਕੀ ਦੀ ਪਛਾਣ ਉਸ ਦੇ ਲੰਬੇ ਕਾਲੇ ਵਾਲ ਅਤੇ ਉਸ ਦੇ ਹੱਥਾਂ 'ਤੇ ਕਈ ਟੈਟੂ ਦੱਸੇ ਹਨ ਅਤੇ ਸ਼ੱਕੀ ਲੜਕੇ ਦੇ ਲੰਬੇ ਭੂਰੇ ਵਾਲ ਹਨ, ਜੋ ਹਮਲੇ ਸਮੇਂ ਗ੍ਰੇਅ ਟੀ ਸ਼ਰਟ ਅਤੇ ਗ੍ਰੇਅ ਪੈਂਟ ਵਿਚ ਸੀ।
