18.38C Vancouver 18.38C VancouverDec 8, 2022 2:19 AM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਹਿਰ ਦੀ ਇਸ ਸਾਲ ਦੀ 13ਵੀਂ ਕਤਲ ਦੀ ਵਾਰਦਾਤ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇੱਕ 30 ਸਾਲਾ ਬਰਨਬੀ ਵਾਸੀ ਦੇ ਕਤਲ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਪੀੜਤ ਆਦਮੀ ਦੀ ਇੱਕ ਸਰਵੇਲੈਂਸ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਕੈਵਿਨ ਲਿਊ ਨਾਮ ਦਾ ਆਦਮੀ 17 ਨਵੰਬਰ ਨੂੰ ਬਰਨਬੀ ਹਸਪਤਾਲ ਕੋਲ ਜ਼ਖਮੀ ਹਾਲਤ 'ਚ ਮਿਲਿਆ ਸੀ।
ਗੰਭੀਰ ਜ਼ਖਮੀ ਆਦਮੀ ਨੂੰ ਰਾਇਲ ਕੋਲੰਬੀਅਨ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਉਸ ਨੇ ਸੋਮਵਾਰ ਨੂੰ ਦਮ ਤੋੜ ਦਿੱਤਾ।
ਪੁਲਿਸ ਦਾ ਕਹਿਣਾ ਹੈ ਕਿ ਸਬੂਤਾਂ ਦੇ ਆਧਾਰ 'ਤੇ ਉਨ੍ਹਾਂ 8th Avenue ਅਤੇ Renfrew street ਦੇ ਇਲਾਕੇ 'ਚ ਪਹੁੰਚ ਕੀਤੀ।
ਵੈਨਕੂਵਰ ਪੁਲਿਸ ਦਾ ਮੰਨਣਾ ਹੈ ਕਿ ਵਾਰਦਾਤ ਇਸੇ ਇਲਾਕੇ 'ਚ ਵਾਪਰੀ ਸੀ ਅਤੇ ਪੁਲਿਸ ਦਾ ਮੰਨਣਾ ਹੈ ਕਿ ਮਾਮਲਾ ਕਿਸੇ ਰੈਂਡਮ ਅਪਰਾਧ ਦਾ ਨਹੀਂ ਹੈ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪੀੜਤ ਦੀ ਸਾਂਝੀ ਕੀਤੀ ਗਈ ਤਸਵੀਰ 14 ਨਵੰਬਰ ਦੀ ਹੈ ਅਤੇ ਬਰਨਬੀ 'ਚ ਸਕਾਈ-ਟਰੇਨ ਸਟੇਸ਼ਨ ਕੋਲ ਦੀ ਹੈ।
