10.96C Vancouver 10.96C VancouverOct 10, 2025 7:14 PM - Connect Newsroom
ਵੈਨਕੂਵਰ ਵਿਚ ਡੇਵਿਡ ਲੈਮ ਪਾਰਕ ਨੇੜੇ ਸੀਵੋਲ 'ਤੇ ਅੱਜ ਸਵੇਰ ਤਿੰਨ ਲੋਕਾਂ 'ਤੇ ਚਾਕੂ ਨਾਲ ਹਮਲਾ ਹੋਇਆ ਹੈ। ਪੁਲਿਸ ਨੇ ਇੱਕ ਨਿਊਜ਼ ਰਿਲੀਜ਼ ਵਿਚ ਕਿਹਾ ਕਿ ਅਧਿਕਾਰੀਆਂ ਨੂੰ ਸਵੇਰੇ 7:30 ਵਜੇ ਦੇ ਕਰੀਬ ਕਈ ਲੋਕਾਂ ਨੂੰ ਚਾਕੂ ਮਾਰੇ ਜਾਣ ਦੀਆਂ ਰਿਪੋਰਟਸ ਮਿਲੀਆਂ, ਤਿੰਨ ਪੀੜਤਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਜਿਨ੍ਹਾਂ ਦੀਆਂ ਸੱਟਾਂ ਜਾਨਲੇਵਾ ਨਹੀਂ ਸਨ।
ਵੈਨਕੂਵਰ ਪੁਲਿਸ ਇਸ ਮਾਮਲੇ ਵਿਚ ਇੱਕ ਮਹਿਲਾ ਸ਼ੱਕੀ ਦੀ ਭਾਲ ਕਰ ਰਹੀ ਹੈ, ਜਿਸ ਨੂੰ Indigenous ਦੱਸਿਆ ਗਿਆ ਹੈ ਅਤੇ ਉਹ ਕੋਈ 25 ਤੋਂ 30 ਸਾਲ ਦੀ ਹੈ।
ਪੁਲਿਸ ਨੇ ਇਲਾਕੇ ਵਿਚ ਆਪਣੀ ਮੌਜੂਦਗੀ ਵਧਾਈ ਹੈ ਅਤੇ ਸ਼ੱਕੀ ਦੀ ਪਛਾਣ ਕਰਨ ਅਤੇ ਉਸ ਨੂੰ ਗ੍ਰਿਫਤਾਰ ਕਰਨ ਲਈ ਸਰਗਰਮੀ ਨਾਲ ਕੰਮ ਕਰ ਰਹੀ ਹੈ। ਪੁਲਿਸ ਨੇ ਸ਼ੱਕੀ ਬਾਰੇ ਜਾਣਕਾਰੀ ਰੱਖਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਜਾਂਚਕਰਤਾ ਨਾਲ 604-717-7048 'ਤੇ ਸੰਪਰਕ ਕਰਨ ਲਈ ਕਿਹਾ ਹੈ।
