16.42C Vancouver 16.42C VancouverJul 13, 2021 7:24 PM -
ਵੈਨਕੂਵਰ 'ਚ ਵਾਪਰੀ ਇੱਕ ਹਿੰਸਕ ਘਟਨਾ ਤੋਂ ਬਾਅਦ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਘਟਨਾ 'ਚ 2 ਲੋਕਾਂ ਦੇ ਬੇਹੱਦ ਗੰਭੀਰ ਜ਼ਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਸੋਮਵਾਰ ਸ਼ਾਮ ਕਰੀਬ 7.30 ਵਜੇ ਪੁਲਿਸ ਨੂੰ ਕਈ 911 ਕਾਲਸ ਜ਼ਰੀਏ ਸੂਚਿਤ ਕੀਤਾ ਗਿਆ ਸੀ ਕਿ ਇੱਕ ਵਿਅਕਤੀ ਵੱਲੋਂ ਇੱਕ ਹੋਰ ਵਿਅਕਤੀ 'ਤੇ ਹਮਲਾ ਕੀਤਾ ਗਿਆ ਹੈ।
ਘਟਨਾ ਸਪਰੂਸ ਸਟ੍ਰੀਟ ਅਤੇ ਵੈਸਟ 12 ਐਵੀਨਿਊ ਕੋਲ ਵਾਪਰੀ ਸੀ।
ਇੱਕ ਸ਼ੱਕੀ ਕੋਲ ਤਲਵਾਰ ਸੀ ਅਤੇ ਉਹ ਕਥਿਤ ਤੌਰ 'ਤੇ ਇੱਕ ਅਪਾਰਟਮੈਂਟ 'ਚ ਦਾਖਿਲ ਹੋ ਗਿਆ ਸੀ।
ਪੁਲਿਸ ਅਨੁਸਾਰ ਜਲਦੀ ਹੀ ਅਫ਼ਸਰ ਮੌਕੇ 'ਤੇ ਪਹੁੰਚ ਗਏ ਸਨ ਅਤੇ ਪੁਲਿਸ ਦੇ ਆਉਣ 'ਤੇ 29 ਸਾਲਾ ਸ਼ੱਕੀ ਮੌਕੇ ਤੋਂ ਦੌੜ ਨਿਕਲਿਆ।
ਉਹ ਟ੍ਰੈਫਿਕ ਦੇ ਵਿੱਚੋਂ ਭੱਜਿਆ ਅਤੇ ਇਸੇ ਦੌਰਾਨ ਕੁਝ ਵਾਹਨਾਂ ਨੂੰ ਨੁਕਸਾਨ ਵੀ ਪਹੁੰਚਾਇਆ।
ਪੁਲਿਸ ਨੇ ਉਸ ਦਾ ਪਿੱਛਾ ਕੀਤਾ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ ਅਫ਼ਸਰਾਂ ਦਾ ਮੰਨਣਾ ਸੀ ਕਿ ਸ਼ੱਕੀ ਨੇ ਹਿੰਸਕ ਘਟਨਾ ਨੂੰ ਅੰਜਾਮ ਦਿੱਤਾ ਹੈ ਅਤੇ ਹੁਣ ਖੁਦ ਨੂੰ ਨੁਕਸਾਨ ਪਹੁੰਚਣਾ ਚਾਹੁੰਦਾ ਹੈ।
ਜਦ ਉਸ ਨੇ ਅਫ਼ਸਰਾਂ ਦੇ ਨਿਰਦੇਸ਼ ਨਹੀਂ ਮੰਨੇ ਤਾਂ ਉਸ 'ਤੇ ਟੇਜ਼ਰ ਅਤੇ ਬੀਨਬੈਗ ਬੰਦੂਕ ਦਾ ਇਸਤੇਮਾਲ ਕੀਤਾ ਗਿਆ।
ਉਸ ਨੂੰ ਗੰਭੀਰ ਜ਼ਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ।
ਘਟਨਾ 'ਚ ਸ਼ਾਮਿਲ ਦੂਜੇ ਵਿਅਕਤੀ ਦੀ ਉਮਰ 59 ਸਾਲ ਦੱਸੀ ਗਈ ਹੈ।
