9.1C Vancouver 9.1C VancouverJul 11, 2022 9:38 PM - Connect News
ਵੈਨਕੂਵਰ 'ਚ ਕਤਲ ਦੀ ਵਾਰਦਾਤ ਵਾਪਰ ਗਈ ਹੈ।
ਚਾਕੂ ਨਾਲ ਹਮਲੇ ਦੀ ਘਟਨਾ 'ਚ ਇੱਕ ਆਦਮੀ ਦੀ ਮੌਤ ਹੋਣ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ।
ਮਾਮਲਾ ਵੈਨਕੂਵਰ 'ਚ ਚਾਕੂ ਨਾਲ ਹਮਲੇ ਦੀ ਵਾਰਦਾਤ ਨਾਲ ਸੰਬੰਧਤ ਹੈ।
ਘਟਨਾ 'ਚ ਇੱਕ 29 ਸਾਲਾ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਵਿਅਕਤੀ ਨੇ ਦਮ ਤੋੜ ਦਿੱਤਾ।
ਮਾਮਲਾ ਸੋਮਵਾਰ ਸਵੇਰ ਦਾ ਦੱਸਿਆ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਇੱਕ 34 ਸਾਲਾ ਔਰਤ ਗ੍ਰਿਫਤਾਰ ਕਰ ਲਈ ਗਈ ਹੈ।
ਅਧਿਕਾਰੀਆਂ ਅਨੁਸਾਰ ਹਮਲਾ ਸਵੇਰ ਕਰੀਬ 8.30 ਵਜੇ ਕੀਤਾ ਗਿਆ ਸੀ ਅਤੇ ਪੀੜਤ ਆਦਮੀ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ।
ਘਟਨਾ ਯੇਲਟਾਊਨ ਇਲਾਕੇ 'ਚ ਵਾਪਰੀ ਦੱਸੀ ਗਈ।
ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਮੇਨਲੈਂਡ ਅਤੇ ਹੋਮਰ ਸਟ੍ਰੀਟਸ ਵਿਚਾਲੇ ਸਮਿਥ ਸਟ੍ਰੀਟ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਸੜਕ ਦੇ ਕਿਨਾਰੇ ਕੁਝ ਕੱਪੜੇ ਅਤੇ ਖੂਨ ਦੇ ਧੱਬੇ ਵੇਖੇ ਜਾ ਸਕਦੇ ਸਨ।
ਇਹ ਵੈਨਕੂਵਰ 'ਚ ਸਾਲ ਦੀ 8ਵੀਂ ਕਤਲ ਦੀ ਵਾਰਦਾਤ ਦੱਸੀ ਗਈ ਹੈ।
