16.56C Vancouver 16.56C VancouverAug 26, 2022 12:58 AM - Connect News
ਵੈਨਕੂਵਰ ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸ਼ਹਿਰ ਦੇ ਫੇਅਰਵਿਊ ਇਲਾਕੇ 'ਚ ਵਾਪਰੀਆਂ ਹਮਲੇ ਸੰਬੰਧੀ ਘਟਨਾਵਾਂ ਦੇ ਮਾਮਲੇ 'ਚ ਇੱਕ ਵਿਅਕਤੀ 'ਤੇ ਦੋਸ਼ ਤੈਅ ਕੀਤੇ ਗਏ ਹਨ।
ਮਾਮਲੇ 'ਚ ਜਾਂਚ 18 ਅਗਸਤ ਨੂੰ ਸ਼ੁਰੂ ਕੀਤਾ ਗਈ ਸੀ।
ਬੀਤੇ ਹਫ਼ਤੇ ਵੀਰਵਾਰ ਨੂੰ ਇਸ ਇਲਾਕੇ 'ਚ ਸ਼ਾਮ ਕਰੀਬ 6.30 ਵਜੇ ਇੱਕ 70 ਸਾਲਾ ਵਿਅਕਤੀ 'ਤੇ ਹਮਲਾ ਕੀਤਾ ਗਿਆ ਸੀ।
ਇਸ ਤੋਂ ਬਾਅਦ ਇੱਕ 33 ਸਾਲਾ ਔਰਤ ਅਤੇ ਇੱਕ 23 ਸਾਲਾ ਔਰਤ ਨੂੰ ਇੱਕ ਅਣਜਾਣ ਵਿਅਕਤੀ ਨੇ ਹਮਲੇ ਦਾ ਸ਼ਿਕਾਰ ਬਣਾਇਆ ਸੀ।
ਕਰੀਬ 3 ਘੰਟੇ ਵਿਚਾਲੇ ਵਾਪਰੀਆਂ ਇਨ੍ਹਾਂ ਘਟਨਾਵਾਂ ਤੋਂ ਬਾਅਦ 20 ਅਗਸਤ ਨੂੰ ਇੱਕ ਘਰ 'ਚ ਜਬਰਦਸਤੀ ਦਾਖਿਲੇ ਦੀ ਘਟਨਾ ਦੌਰਾਨ ਇੱਕ 54 ਸਾਲਾ ਔਰਤ 'ਤੇ ਹਮਲਾ ਕੀਤਾ ਗਿਆ ਸੀ।
ਇਨ੍ਹਾਂ ਮਾਮਲਿਆਂ 'ਚ ਵੈਨਕੂਵਰ ਦੇ 21 ਸਾਲਾ ਮਾਰਟਿਨ ਲੈਂਬ 'ਤੇ ਦੋਸ਼ ਲੱਗੇ ਹਨ।
ਉਸ 'ਤੇ ਹਮਲੇ ਦੇ 2 ਦੋਸ਼ ਅਤੇ ਐਗਰਾਵੇਟਿਡ ਅਸਾਲਟ ਦੇ 2 ਦੋਸ਼ਾਂ ਤੋਂ ਇਲਾਵਾ ਬ੍ਰੇਕ ਐਂਡ ਐਂਟਰ ਦਾ ਇੱਕ ਦੋਸ਼ ਲੱਗਿਆ ਹੈ।
