14.04C Vancouver 14.04C VancouverMay 7, 2021 7:38 PM -
ਵੈਨਕੂਵਰ ਪੁਲਿਸ ਵੱਲੋਂ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਈਸਟ ਵੈਨਕੂਵਰ ਦੇ ਇਲਾਕੇ 'ਚ ਬੀਤੇ ਕੱਲ ਵਾਪਰੇ ਇੱਕ ਸਾਈਕਲ ਸਵਾਰ ਅਤੇ ਇੱਕ ਵਾਹਨ ਦੇ ਕ੍ਰੈਸ਼ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਸੂਚਿਤ ਕੀਤਾ ਜਾਵੇ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਰਫਤਾਰ, ਸ਼ਰਾਬ ਜਾਂ ਡਰੱਗਸ ਇਸ ਘਟਨਾ ਦੇ ਕਾਰਨ ਨਹੀਂ ਸਨ।
ਵਾਹਨ ਚਾਲਕ ਮੌਕੇ 'ਤੇ ਮੌਜੂਦ ਰਿਹਾ ਅਤੇ ਪੁਲਿਸ ਨਾਲ ਸਹਿਯੋਗ ਕਰ ਰਿਹਾ ਸੀ।
ਘਟਨਾ ਤੜਕੇ ਕਰੀਬ 12.30 ਵਜੇ ਵਾਪਰੀ ਦੱਸੀ ਗਈ ਅਤੇ ਸਾਈਕਲ ਸਵਾਰ ਦੀ ਰੂਪਰਟ ਸਟ੍ਰੀਟ ਕੋਲ ਇੱਕ ਚਿੱਟੇ ਰੰਗ ਦੀ ਟੈਸਲਾ ਗੱਡੀ ਨਾਲ ਟੱਕਰ ਹੋ ਗਈ।
ਇਸ ਘਟਨਾ 'ਚ 20 ਸਾਲਾ ਸਾਈਕਲ ਸਵਾਰ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ।
ਹਾਲਾਂਕਿ ਉਸ ਦੀ ਜਾਨ ਨੂੰ ਖਤਰਾ ਨਹੀਂ ਦੱਸਿਆ ਗਿਆ ਸੀ।
