16.81C Vancouver 16.81C VancouverSep 13, 2022 1:07 AM - Connect News
ਵੈਨਕੂਵਰ 'ਚ ਇੱਕ ਮੀਲ ਡਿਲੀਵਰੀ ਵਰਕਰ 'ਤੇ ਭਿਆਨਕ ਹਮਲੇ ਦੀ ਘਟਨਾ ਵਾਪਰੀ ਹੈ।
ਵਰਕਰ ਨੂੰ ਜਾਨਲੇਵਾ ਸੱਟਾਂ ਲੱਗੀਆਂ ਹਨ। ਪੁਲਿਸ ਵੱਲੋਂ ਇਸ ਹਿੰਸਕ ਅਤੇ ਬਿਨਾ ਕਿਸੇ ਪ੍ਰੋਵੋਕੇਸ਼ਨ ਦੇ ਕੀਤੇ ਗਏ ਹਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਪੀੜਤ ਵੱਲੋਂ ਆਪਣੀ ਬਾਈਕ ਨੂੰ ਗੋਰ ਐਵੀਨਿਊ ਅਤੇ ਈਸਟ ਪੈਂਡਰ ਸਟ੍ਰੀਟ ਦੇ ਕੋਲ ਐਤਵਾਰ ਸ਼ਾਮ ਕਰੀਬ 6 ਵਜੇ ਇੱਕ ਪੋਲ ਨਾਲ ਲੌਕ ਕੀਤਾ ਜਾ ਰਿਹਾ ਸੀ।
ਇਸੇ ਦੌਰਾਨ ਇੱਕ ਅਣਜਾਣ ਵਿਅਕਤੀ ਨੇ ਪਿੱਛੇ ਤੋਂ ਪਹੁੰਚ ਕੀਤੀ ਅਤੇ ਉਸ 'ਤੇ ਚਾਕੂ ਨਾਲ ਕਈ ਵਾਰ ਕਰ ਦਿੱਤੇ।
ਇਸ ਦੌਰਾਨ ਪੀੜਤ ਦੀ ਛਾਤੀ ਅਤੇ ਉਸ ਦੇ ਗਲੇ 'ਤੇ ਵੀ ਵਾਰ ਕੀਤੇ ਗਏ।
ਸਾਰਜੈਂਟ ਸਟੀਵ ਐਡੀਸਨ ਦਾ ਕਹਿਣਾ ਸੀ ਕਿ ਜਖਮੀ ਹਾਲਤ ਦੇ ਬਾਵਜੂਦ ਪੀੜਤ ਕਿਸੇ ਤਰ੍ਹਾਂ 911 ਕਾਲ ਕਰਨ 'ਚ ਕਾਮਯਾਬ ਰਿਹਾ ਅਤੇ ਉਸ ਨੂੰ ਕੁਝ ਲੋਕਾਂ ਨੇ ਮੌਕੇ 'ਤੇ ਸੰਭਾਲਣ ਦੀ ਵੀ ਕੋਸ਼ਿਸ਼ ਕੀਤੀ।
ਅਫਸਰਾਂ ਅਨੁਸਾਰ ਕੁਝ ਹੀ ਸਮੇਂ ਬਾਅਦ ਕਰੈਬ ਪਾਰਕ 'ਚ ਇੱਕ 43 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
