21.68C Vancouver 21.68C VancouverAug 22, 2022 8:16 PM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ 4 ਲੋਕਾਂ 'ਤੇ ਮਲਟੀਪਲ ਦੋਸ਼ ਲੱਗੇ ਹਨ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ ਹੇਸਟਿੰਗਸ ਸਟ੍ਰੀਟ ਦੀ ਐਨਕੈਂਪਮੈਂਟ 'ਚ ਬੰਦੂਕਾਂ ਜਬਤ ਕੀਤੀਆਂ ਗਈਆਂ ਹਨ।
ਮਾਮਲਾ ਐਤਵਾਰ ਸਵੇਰ ਦਾ ਦੱਸਿਆ ਗਿਆ।
ਉਨ੍ਹਾਂ ਕਿਹਾ ਕਿ ਪੁਲਿਸ ਨੂੰ ਇਨ੍ਹਾਂ ਕੈਂਪਸ ਦੇ ਨੇੜਤੇੜ ਪਬਲਿਕ ਸੇਫਟੀ ਸੰਬੰਧੀ ਵੀ ਫਿਕਰ ਸਤਾ ਰਿਹਾ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਪੁਲਿਸ ਅਫਸਰਾਂ ਅਤੇ ਆਮ ਲੋਕਾਂ ਖਿਲਾਫ ਹਿੰਸਾ ਵਧੀ ਹੈ ਅਤੇ ਐਨਕੈਂਪਮੈਂਟ 'ਚ ਬੰਦੂਕਾਂ ਮਿਲਣੀਆਂ ਇਸ ਖਤਰੇ ਨੂੰ ਹੋਰ ਵੀ ਵਧਾ ਦਿੰਦੀ ਹੈ।
ਪੁਲਿਸ ਅਫਸਰਾਂ ਨੇ ਐਤਵਾਰ ਸਵੇਰ ਕਰੀਬ 8 ਵਜੇ ਈਸਟ ਹੇਸਟਿੰਗਸ ਸਟ੍ਰੀਟ ਅਤੇ ਕੈਰਲ ਸਟ੍ਰੀਟ ਕੋਲ ਬੰਦੂਕਾਂ ਸੰਬੰਧੀ ਜਾਣਕਾਰੀ ਮਿਲਣ ਤੋਂ ਬਾਅਦ ਪਹੁੰਚ ਕੀਤੀ ਸੀ।
ਮੌਕੇ ਤੋਂ 4 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ 2 ਬੰਦੂਕਾਂ ਜਬਤ ਕੀਤੀਆਂ ਗਈਆਂ।
ਇਸ 'ਚ ਇੱਕ ਭਰੀ ਹੋਈ ਸ਼ੌਟਗੰਨ ਮਿਲਣ ਬਾਰੇ ਵੀ ਦੱਸਿਆ ਗਿਆ।
ਗ੍ਰਿਫਤਾਰ ਕੀਤੇ ਗਏ ਲੋਕਾਂ 'ਚ ਇੱਕ 40 ਸਾਲਾ ਵੈਨਕੂਵਰ ਵਾਸੀ, ਇੱਕ 23 ਸਾਲਾ ਬਰਨਬੀ ਵਾਸੀ, ਅਤੇ ਦੋ 20 ਤੋਂ 30 ਸਾਲ ਦੇ ਦਰਮਿਆਨ ਦੇ ਸਰੀ ਨਿਵਾਸੀ ਦੱਸੇ ਗਏ।
