15.25C Vancouver 15.25C VancouverAug 19, 2021 9:23 PM -
ਵੈਨਕੂਵਰ 'ਚ ਐਂਬੂਲੈਂਸ ਸਟਾਫ਼ ਨੇ ਪੁਲਿਸ ਨੂੰ ਸੱਦਿਆ।
ਮਾਮਲਾ ਇੱਕ ਵਿਅਕਤੀ ਨਾਲ ਸੰਬੰਧਤ ਸੀ ਜਿਸ ਨੂੰ ਮੈਡਿਕਲ ਮਦਦ ਦੀ ਲੋੜ ਸੀ।
ਕਥਿਤ ਤੌਰ 'ਤੇ ਵਿਅਕਤੀ ਹਸਪਤਾਲ ਜਾਣ ਲਈ ਤਿਆਰ ਨਹੀਂ ਸੀ।
ਅਫ਼ਸਰ ਮੌਕੇ 'ਤੇ ਪਹੁੰਚੇ ਅਤੇ ਵਿਅਕਤੀ ਨੂੰ ਸਮਝਾਉਣ ਵਿੱਚ ਕਾਮਯਾਬ ਹੋ ਗਏ ਕਿ ਉਸ ਨੂੰ ਐਂਬੂਲੈਂਸ 'ਚ ਜਾਣ ਦੀ ਲੋੜ ਹੈ।
ਪੈਰਾਮੈਡਿਕਸ ਨੇ ਅਫ਼ਸਰਾਂ ਨੂੰ ਕਿਹਾ ਕਿ ਉਹ ਵੀ ਐਂਬੂਲੈਂਸ ਵਿੱਚ ਹੀ ਸਵਾਰ ਹੋ ਜਾਣ ਜਿਸ 'ਤੇ ਇੱਕ ਅਫ਼ਸਰ ਐਂਬੂਲੈਂਸ 'ਚ ਬੈਠ ਗਿਆ।
ਪਰ ਇਸੇ ਦੌਰਾਨ ਕਥਿਤ ਤੌਰ 'ਤੇ ਇਸ ਵਿਅਕਤੀ ਨੇ ਅਚਾਨਕ ਅਫ਼ਸਰ ਦੇ ਮੂੰਹ 'ਤੇ ਮੁੱਕੇ ਨਾਲ ਹਮਲਾ ਕੀਤਾ।
ਕੁਝ ਸੰਘਰਸ਼ ਹੋਇਆ ਪਰ ਅਫ਼ਸਰ ਇਸ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਉਣ 'ਚ ਕਾਮਯਾਬ ਰਹੇ।
ਅਫ਼ਸਰ ਨੂੰ ਮਾਮੂਲੀ ਸੱਟ ਲੱਗਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਦੱਸਿਆ ਗਿਆ ਕਿ ਸ਼ੱਕੀ 'ਤੇ ਅਫ਼ਸਰ 'ਤੇ ਹਮਲਾ ਕਰਨ ਦਾ ਦੋਸ਼ ਲਗਾਇਆ ਜਾ ਸਕਦਾ ਹੈ।
