24.03C Vancouver 24.03C VancouverOct 13, 2022 8:18 PM - Connect News
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਔਰਤ 'ਤੇ ਹਮਲਾ ਕਰਨ ਦੀ ਘਟਨਾ ਦੇ ਸੰਬੰਧ ਵਿੱਚ ਇੱਕ ਸ਼ੱਕੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਘਟਨਾ ਬੁੱਧਵਾਰ ਰਾਤ ਡਾਊਨਟਾਊਨ ਇਲਾਕੇ 'ਚ ਵਾਪਰੀ।
ਹਮਲਾ ਕਰਨ ਵਾਲਾ ਕੋਈ ਅਣਜਾਣ ਵਿਅਕਤੀ ਦੱਸਿਆ ਗਿਆ।
ਕਾਂਸਟੇਬਲ ਜੇਸਨ ਡੁਸੈਟ ਦਾ ਕਹਿਣਾ ਸੀ ਕਿ ਬਿਨਾ ਕਿਸੇ ਵਜ੍ਹਾ ਇਸ ਪ੍ਰਕਾਰ ਦਾ ਇੱਕ ਹੋਰ ਹਮਲਾ ਚਿੰਤਾ ਦਾ ਵਿਸ਼ਾ ਹੈ।
ਉਨ੍ਹਾਂ ਕਿਹਾ ਕਿ ਪੀੜਤ ਔਰਤ ਸਾਈਡਵਾਕ 'ਤੇ ਤੁਰ ਕੇ ਜਾ ਰਹੀ ਸੀ ਜਦ ਅਚਾਨਕ ਉਸ 'ਤੇ ਹਮਲਾ ਕਰ ਦਿੱਤਾ ਗਿਆ।
ਪੀੜਤ ਔਰਤ ਦੀ ਉਮਰ 29 ਸਾਲ ਦੱਸੀ ਗਈ ਹੈ।
ਉਹ ਕੈਂਬੀ ਅਤੇ ਪੈਂਡਰ ਸਟ੍ਰੀਟਸ ਦੇ ਇਲਾਕੇ 'ਚ ਤੁਰ ਕੇ ਜਾ ਰਹੀ ਸੀ ਜਦ ਇੱਕ ਆਦਮੀ ਉਸ ਤਕ ਪਹੁੰਚਿਆ ਅਤੇ ਹਮਲਾ ਕਰ ਦਿੱਤਾ।
ਉਸ ਨੇ ਔਰਤ ਦੇ ਮੂੰਹ 'ਤੇ ਮੁੱਕੇ ਦਾ ਜੋਰਦਾਰ ਵਾਰ ਕੀਤਾ।
ਔਰਤ ਜਮੀਨ 'ਤੇ ਡਿੱਗ ਗਈ ਅਤੇ ਆਦਮੀ ਡਨਸਮੇਅਰ ਸਟ੍ਰੀਟ ਦੀ ਦਿਸ਼ਾ ਵੱਲ ਦੌੜ ਗਿਆ।
ਕਾਂਸਟੇਬਲ ਡੁਸੈਟ ਨੇ ਦੱਸਿਆ ਕਿ ਔਰਤ ਦੀ ਮਦਦ ਲਈ ਮੌਕੇ 'ਤੇ ਕਈ ਲੋਕ ਇਕੱਤਰ ਹੋ ਗਏ ਅਤੇ ਪੁਲਿਸ ਦੇ ਪਹੁੰਚਣ ਤਕ ਔਰਤ ਨੂੰ ਸੰਭਾਲਿਆ।
ਔਰਤ ਨੂੰ ਮੈਡਿਕਲ ਮਦਦ ਪ੍ਰਦਾਨ ਕੀਤੀ ਗਈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
