17.26C Vancouver 17.26C VancouverJun 24, 2022 10:07 PM - Connect News
ਵੈਨਕੂਵਰ 'ਚ ਇੱਕ ਔਰਤ ਨੂੰ ਜੱਫਾ ਪਾਉਣ ਅਤੇ ਉਸ 'ਤੇ ਜਿਨਸੀ ਹਮਲਾ ਕਰਨ ਦੀ ਵਾਰਦਾਤ ਵਾਪਰੀ ਹੈ।
ਡਾਊਨਟਾਊਨ ਇਲਾਕੇ 'ਚ ਵਾਪਰੀ ਇਸ ਵਾਰਦਾਤ ਬਾਰੇ ਪੁਲਿਸ ਜਾਂਚ ਕਰ ਰਹੀ ਹੈ।
ਪੁਲਿਸ ਵੱਲੋਂ ਘਟਨਾ ਸੰਬੰਧੀ ਅੱਜ ਇੱਕ ਵਿਅਕਤੀ ਦੀ ਸਰਵੇਲੈਂਸ ਵੀਡੀਓ ਜਾਰੀ ਕੀਤੀ ਗਈ ਹੈ।
ਪੁਲਿਸ ਨੇ ਦੱਸਿਆ ਕਿ ਇੱਕ 26 ਸਾਲਾ ਔਰਤ ਵੈਸਟ ਹੇਸਟਿੰਗਸ ਅਤੇ ਹੌਰਨਬੀ ਸਟ੍ਰੀਟਸ ਦੇ ਇਲਾਕੇ 'ਚ 11 ਜੂਨ ਨੂੰ ਮੱਧਰਾਤ ਦੇ ਕਰੀਬ ਤੁਰ ਕੇ ਜਾ ਰਹੀ ਸੀ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਇੱਕ ਅਣਜਾਣ ਆਦਮੀ ਨੇ ਔਰਤ ਨੂੰ ਪਿੱਛੇ ਤੋਂ ਜਾ ਕੇ ਜੱਫਾ ਪਾ ਲਿਆ ਅਤੇ ਉਸ 'ਤੇ ਜਿਨਸੀ ਹਮਲਾ ਕੀਤਾ।
ਔਰਤ ਨੇ ਸੰਘਰਸ਼ ਕਰ ਖੁਦ ਨੂੰ ਆਦਮੀ ਤੋਂ ਛੁਡਵਾਇਆ ਅਤੇ ਫਿਰ ਮੌਕੇ ਤੋਂ ਭੱਜਦੇ ਆਦਮੀ ਦਾ ਪਿੱਛਾ ਵੀ ਕੀਤਾ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਬਾਅਦ 'ਚ ਔਰਤ ਨੇ ਇੱਕ ਸੁਰੱਖਿਅਤ ਜਗ੍ਹਾ 'ਤੇ ਪਹੁੰਚ ਕਰ ਪੁਲਿਸ ਨਾਲ ਸੰਪਰਕ ਕੀਤਾ।
ਉਨ੍ਹਾਂ ਕਿਹਾ ਕਿ ਔਰਤ ਦੀ ਸੂਝਬੂਝ ਅਤੇ ਫੁਰਤੀ ਕਾਰਨ ਪੁਲਿਸ ਮੌਕੇ ਤੋਂ ਅਹਿਮ ਸਬੂਤ ਇਕੱਤਰ ਕਰ ਸਕੀ।
ਪੁਲਿਸ ਅਨੁਸਾਰ ਸ਼ੱਕੀ ਦੀ ਉਮਰ 40 ਤੋਂ 50 ਸਾਲ ਦਰਮਿਆਨ ਮੰਨੀ ਜਾ ਰਹੀ ਹੈ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਸ਼ੱਕੀ ਦੇ ਖੁੱਲ੍ਹੇ 'ਚ ਘੁੰਮ ਰਹੇ ਹੋਣ ਕਾਰਨ ਹੋਰ ਲੋਕਾਂ ਦੀ ਸੁਰੱਖਿਆ ਲਈ ਵੀ ਫਿਕਰ ਹੈ।
ਪੂਰੀ ਵੀਡੀਓ ਲਈ ਲਿੰਕ ਕਲਿਕ ਕਰੋ:
https://vpd.ca/news/2022/06/24/vpd-seeks-person-of-interest-in-downtown-stranger-assault/
