11.05C Vancouver 11.05C VancouverDec 6, 2021 11:33 PM - Connect News
ਵੈਨਕੂਵਰ ਪੁਲਿਸ ਵੱਲੋਂ ਚਲਾਏ ਗਏ ਸਟਿੰਗ ਆਪ੍ਰੇਸ਼ਨ ਯਾਨੀ ਕਿ ਖੁਫੀਆ ਅਭਿਆਨ ਦੌਰਾਨ ਕਈ ਅਪਰਾਧਿਕ ਦੋਸ਼ ਲਗਾਏ ਗਏ ਹਨ।
ਵੈਨਕੂਵਰ ਪੁਲਿਸ ਦੇ ਐਂਟੀ ਫੈਂਸਿੰਗ ਯੂਨਿਟ ਵੱਲੋਂ ਅਪ੍ਰੈਲ 'ਚ ਇਸ ਅੰਡਰਕਵਰ ਆਪ੍ਰੇਸ਼ਨ ਦੀ ਸ਼ੁਰੂਆਤ ਕੀਤੀ ਗਈ ਸੀ।
ਇਸ ਦੌਰਾਨ ਅਫਸਰਾਂ ਨੂੰ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਤਾਇਨਾਤ ਕੀਤਾ ਗਿਆ ਸੀ।
ਚੋਰੀ ਦੀ ਪ੍ਰਾਪਰਟੀ ਦੀ ਤਸਕਰੀ ਸੰਬੰਧੀ ਜਾਂਚ ਦੌਰਾਨ ਸਬੂਤ ਇਕੱਤਰ ਕੀਤੇ ਗਏ।
ਅਫਸਰਾਂ ਨੇ ਵੇਖਿਆ ਕਿ ਡਰੱਗਸ ਅਤੇ ਚੋਰੀ ਦੀ ਪ੍ਰਾਪਰਟੀ ਨੂੰ ਖੁੱਲ੍ਹੇ 'ਚ ਵੇਚਿਆ ਜਾ ਰਿਹਾ ਹੈ।
ਇਸ 'ਚ ਕਈ ਪਾਵਰ ਟੂਲ ਅਤੇ ਇਲੈਕਟਰੌਨਿਕਸ ਅਜਿਹੇ ਸਨ ਜੋ ਸਟੋਰ ਪੈਕਿੰਗ 'ਚ ਹੀ ਉਪਲਬਧ ਸਨ।
ਇਸ ਤੋਂ ਇਲਾਵਾ ਕਾਸਮੈਟਿਕਸ, ਡਿਜ਼ਾਈਨਰ ਕਪੜੇ, ਐਨਕਾਂ ਅਤੇ ਹੋਰ ਸਮਾਨ ਸ਼ਾਮਿਲ ਸੀ।
ਇੰਸਪੈਕਟਰ ਗੈਰੀ ਹੇਅਰ ਨੇ ਕਿਹਾ ਕਿ ਡਾਊਨਟਾਊਨ ਈਸਟਸਾਈਡ 'ਚ ਹਰ ਰੋਜ ਹਜ਼ਾਰਾਂ ਡਾਲਰ ਅਜਿਹੇ ਲੋਕਾਂ ਵੱਲੋਂ ਅੰਦਰ-ਬਾਹਰ ਕੀਤੇ ਜਾ ਰਹੇ ਹਨ ਜੋ ਕਿ ਇਸ ਇਲਾਕੇ 'ਚ ਰਹਿੰਦੇ ਵੀ ਨਹੀਂ ਹਨ।
ਇਸ 'ਚ ਵਧੇਰੇ ਅਪਰਾਧਿਕ ਗਤੀਵਿਧੀ ਕੋਲੰਬੀਆ ਅਤੇ ਕੈਰਲ ਸਟ੍ਰੀਟਸ ਵਿਚਾਲੇ ਵਾਪਰਦੀ ਦੱਸੀ ਗਈ।
ਇਸ ਮਾਮਲੇ 'ਚ ਸਰੀ ਦੇ 60 ਸਾਲਾ ਨਿਜ਼ਾਮੁਦੀਨ ਜੇਲਾਲੀ 'ਤੇ ਚੋਰੀ ਦਾ ਸਮਾਨ ਰੱਖਣ ਦੇ 3 ਦੋਸ਼ ਅਤੇ ਇਸ ਪ੍ਰਾਪਰਟੀ ਨੂੰ ਵੇਚਣ ਦਾ ਇੱਕ ਦੋਸ਼ ਲੱਗਿਆ ਹੈ।
ਵੈਨਕੂਵਰ ਦੇ 43 ਸਾਲਾ ਆਰਨ ਕੈਸਟੀਲੋ ਐਂਗੀਆਨੋ 'ਤੇ ਤਸਕਰੀ ਲਈ ਕਂਟ੍ਰੋਲਡ ਸਬਸਟੈਂਸ ਰੱਖਣ ਦੇ ਦੋਸ਼ ਲੱਗੇ ਹਨ।
ਪੁਲਿਸ ਨੇ ਦੱਸਿਆ ਹੈ ਕਿ ਮਾਮਲੇ 'ਚ ਜਾਂਚ ਜਾਰੀ ਹੈ ਅਤੇ ਹੋਰ ਗ੍ਰਿਫਤਾਰੀਆਂ ਹੋ ਸਕਦੀਆਂ ਹਨ।
