14.47C Vancouver 14.47C VancouverDec 14, 2021 1:13 AM - Connect News
ਵੈਨਕੂਵਰ ਪੁਲਿਸ ਨੇ 7 ਲਿਮੋਸ ਅਤੇ ਪਾਰਟੀ ਬੱਸਾਂ ਨੂੰ ਸੜਕ ਤੋਂ ਹਟਾਇਆ ਹੈ।
ਵੀਕਐਂਡ ਦੌਰਾਨ ਦੀ ਸੇਫਟੀ ਡਰਾਈਵ ਦੌਰਾਨ ਇਨ੍ਹਾਂ ਵਾਹਨਾਂ ਸੰਬੰਧੀ ਹਜ਼ਾਰਾਂ ਡਾਲਰਾਂ ਦੇ ਜੁਰਮਾਨੇ ਠੋਕਣ ਦੀ ਵੀ ਸਿਫਾਰਸ਼ ਕੀਤੀ ਗਈ ਹੈ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਜਦ ਕਈ ਵਾਹਨਾਂ ਦੀ ਇੰਸਪੈਕਸ਼ਨ ਕੀਤੀ ਗਈ ਤਾਂ ਕੁਝ ਨੂੰ ਖਤਰਨਾਕ ਹਾਲਾਤਾਂ 'ਚ ਚਲਾਏ ਜਾਂਦੇ ਵੇਖਿਆ ਅਤੇ ਕੁਝ ਵਾਹਨ ਤਰਸਯੋਗ ਹਾਲਤ 'ਚ ਸਨ।
ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਦੀ ਰਾਤ ਕੁੱਲ 8 ਵਾਹਨਾਂ ਦੀ ਜਾਂਚ ਕੀਤੀ ਗਈ ਜਿਸ 'ਚ 5 ਲਿਮੋਜ਼ੀਨ ਅਤੇ 3 ਪਾਰਟੀ ਬੱਸਾਂ ਸ਼ਾਮਿਲ ਸਨ।
ਇੱਕ ਵਾਹਨ ਨੂੰ ਛੱਡ ਬਾਕੀਆਂ ਨੂੰ ਸਰਵਿਸ ਤੋਂ ਹਟਾ ਲਿਆ ਗਿਆ ਸੀ।
ਅਫ਼ਸਰਾਂ ਨੂੰ ਵਾਹਨਾਂ 'ਚ ਇਨਔਪਰੇਬਲ ਐਮਰਜੈਂਸੀ ਐਗਜ਼ਿਟ, ਸ਼ਰਾਬ ਦੀਆਂ ਖੁੱਲ੍ਹੀਆਂ ਬੋਤਲਾਂ, ਟੁੱਟੀਆਂ ਸੀਟ ਬੈਲਟਸ ਅਤੇ ਐਮਰਜੈਂਸੀ ਬ੍ਰੇਕਸ ਦੇ ਮਾੜੇ ਪ੍ਰਬੰਧ ਵਿਖਾਈ ਦਿੱਤੇ।
ਇੱਕ ਮਾਮਲੇ 'ਚ 27 ਟੀਨੇਜਰ ਇੱਕ ਬੱਸ 'ਚ ਸਵਾਰ ਸਨ ਅਤੇ ਬੱਸ 'ਚ ਡਾਂਸ ਫਲੋਰ ਬਣਾਇਆ ਹੋਇਆ ਸੀ।
ਪੁਲਿਸ ਨੇ ਕਈ ਦੋਸ਼ ਤੈਅ ਕਰਨ ਦੀ ਵੀ ਸਿਫਾਰਸ਼ ਕੀਤੀ ਹੈ।
