ਵੈਨਕੂਵਰ ਪੁਲਿਸ ਨੇ ਕੀਤਾ ਸਾਵਧਾਨ, ਸ਼ਹਿਰ 'ਚ ਜਿਨਸੀ ਹਮਲਿਆਂ 'ਚ ਵੱਡਾ ਵਾਧਾ

ਵੈਨਕੂਵਰ ਦੇ ਵਿੱਚ ਅਣਜਾਣ ਲੋਕਾਂ ਵੱਲੋਂ ਕੀਤੇ ਜਾਣ ਵਾਲੇ ਜਿਨਸੀ ਹਮਲੇ ਦੀਆਂ ਘਟਨਾਵਾਂ 'ਚ ਵੱਡੇ ਵਾਧੇ ਦੀ ਜਾਣਕਾਰੀ ਦਿੱਤੀ ਗਈ ਹੈ।

ਇਹ ਜਾਣਕਾਰੀ ਜੁਲਾਈ ਦੇ ਮਹੀਨੇ ਸੰਬੰਧੀ ਹੈ।

2 ਸਾਲ ਪਹਿਲਾਂ ਦੇ ਜੁਲਾਈ ਮਹੀਨੇ ਦੇ ਅਜਿਹੇ ਮਾਮਲਿਆਂ ਦੇ ਮੁਕਾਬਲੇ ਇਸ ਵਾਰ ਜੁਲਾਈ 'ਚ ਅਣਜਾਣ ਲੋਕਾਂ ਵੱਲੋਂ ਕੀਤੇ ਗਏ ਜਿਨਸੀ ਹਮਲਿਆਂ ਦੀ ਗਿਣਤੀ ਦੁੱਗਣੀ ਹੋ ਗਈ ਹੈ।

ਜੁਲਾਈ 2019 ਦੇ ਮੁਕਾਬਲੇ ਜੁਲਾਈ 2021 'ਚ ਅਜਿਹੇ ਮਾਮਲਿਆਂ 'ਚ 129% ਦਾ ਵਾਧਾ ਹੋਇਆ ਦੱਸਿਆ ਗਿਆ ਹੈ।

ਜੁਲਾਈ ਮਹੀਨੇ ਦੀ ਅਜਿਹੇ ਮਾਮਲਿਆਂ ਦੀ 3 ਸਾਲਾਂ ਦੀ ਔਸਤ ਦੇ ਮੁਕਾਬਲੇ ਗ੍ਰੈਨਵਿਲ ਐਂਟਰਟੇਨਮੈਂਟ ਡਿਸਟ੍ਰਿਕਟ 'ਚ ਜੁਲਾਈ 2021 'ਚ 167% ਦਾ ਵਾਧਾ ਦੱਸਿਆ ਗਿਆ ਹੈ।

ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ 1 ਜੁਲਾਈ ਤੋਂ ਗ੍ਰੈਨਵਿਲ ਸਟ੍ਰਿਪ 'ਚ 8 ਜਿਨਸੀ ਹਮਲੇ ਵਾਪਰੇ ਹਨ ਜਿਸ 'ਚ ਬਲਾਤਕਾਰ ਦਾ ਮਾਮਲਾ ਵੀ ਸ਼ਾਮਿਲ ਹੈ।

ਵੈਨਕੂਵਰ ਪੁਲਿਸ ਨੇ ਦੱਸਿਆ ਕਿ ਜੁਲਾਈ ਦੇ ਮਹੀਨੇ 'ਚ ਅਣਜਾਣ ਲੋਕਾਂ ਵੱਲੋਂ ਕੀਤੇ ਗਏ ਜਿਨਸੀ ਹਮਲਿਆਂ ਦੀ ਗਿਣਤੀ 16 ਸੀ।

ਜੁਲਾਈ 2020 'ਚ ਅਜਿਹੇ ਮਾਮਲਿਆਂ ਦੀ ਗਿਣਤੀ 10 ਰਿਪੋਰਟ ਹੋਈ ਸੀ ਜਦਕਿ ਜੁਲਾਈ 2019 'ਚ ਅਜਿਹੇ ਮਾਮਲਿਆਂ ਦੀ ਗਿਣਤੀ 7 ਸੀ।

ਵੈਨਕੂਵਰ ਪੁਲਿਸ ਦਾ ਟਵੀਟ:

#VPDnews: #VPD saw a 129 % increase in stranger sexual assaults in July -- in particular a 167% increase in sex assaults in the Granville Entertainment District. http://ow.ly/tbvU50FP4SP