ਬ੍ਰਿਟਿਸ਼ ਕੋਲੰਬੀਆ ਸਮੇਤ ਕੈਨੇਡਾ ਦੇ ਹੋਰ ਹਿੱਸਿਆਂ ਵਿਚ ਪਾਏ ਗਏ ਨਮੂਨੀਆ ਦੇ ਕੇਸ

ਬ੍ਰਿਟਿਸ਼ ਕੋਲੰਬੀਆ ਸਮੇਤ ਕੈਨੇਡਾ ਦੇ ਹੋਰ ਹਿੱਸਿਆਂ ਵਿਚ ਨਮੂਨੀਆ ਦੇ ਮਾਮਲਿਆਂ ਵਿਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਡਾਕਟਰਾਂ ਮੁਤਾਬਕ, ਇਹ ਮਾਮਲੇ ਮੁੱਖ ਤੌਰ ’ਤੇ ਬੱਚਿਆਂ ਵਿਚ ਪਾਏ ਜਾ ਰਹੇ ਹਨ। ਵਾਕਿੰਗ ਨਮੂਨੀਆ ਨਮੂਨੀਆ ਦਾ ਹੀ ਇੱਕ ਹਲਕਾ ਰੂਪ ਹੈ ਜਿਸ ਵਿਚ ਬੁਖਾਰ, ਖੰਘ ਜਾਂ ਥਕਾਵਟ ਹੁੰਦੀ ਹੈ ਪਰ ਕੁਝ ਗੰਭੀਰ ਮਾਮਲਿਆਂ ਵਿਚ ਮਰੀਜ਼ ਨੂੰ ਸਾਹ ਲੈਣ ਵਿਚ ਤਕਲੀਫ਼ ਜਾਂ ਤੇਜ਼ ਬੁਖ਼ਾਰ ਹੋ ਸਕਦਾ ਹੈ।

ਹਾਲਾਂਕਿ, ਜਨਤਕ ਸਿਹਤ ਏਜੰਸੀਆਂ ਨਮੂਨੀਆ ਦੇ ਮਾਮਲਿਆਂ ਨੂੰ ਟਰੈਕ ਨਹੀਂ ਕਰਦੀਆਂ ਪਰ ਡਾਕਟਰਾਂ ਦਾ ਕਹਿਣਾ ਹੈ ਕਿ ਓਨਟਾਰੀਓ, ਕਿਊਬੈਕ ਅਤੇ ਬ੍ਰਿਟਿਸ਼ ਕੋਲੰਬੀਆ ਵਿਚ ਮਾਮਲੇ ਵੱਧ ਰਹੇ ਹਨ।

ਗੌਰਤਲਬ ਹੈ ਕਿ ਅਮਰੀਕਾ ਦੇ ਡਿਜ਼ੀਜ਼ ਕੰਟਰੋਲ ਸੈਂਟਰ ਨੇ ਅਕਤੂਬਰ ਵਿਚ ਦੱਸਿਆ ਕਿ ਪਿਛਲੇ ਛੇ ਮਹੀਨਿਆਂ ਵਿਚ ਅਮਰੀਕਾ ਵਿਚ ਨਮੂਨੀਆ ਦੇ ਮਾਮਲੇ ਪਾਏ ਗਏ, ਜੋ ਅਗਸਤ ਦੇ ਅੰਤ ਵਿਚ ਪੀਕ ’ਤੇ ਸਨ।