'ਹੁਣ ਜੰਗ ਹੋਣੀ ਤੈਅ', ਪਾਕਿ ਰੱਖਿਆ ਮੰਤਰੀ ਖਵਾਜ਼ਾ ਆਸਿਫ ਨੇ ਦਿੱਤਾ ਬਿਆਨ

ਪਾਕਿਸਤਾਨ ਦੇ ਰੱਖਿਆ ਮੰਤਰੀ ਖਵਾਜਾ ਆਸਿਫ ਨੇ ਕਿਹਾ ਕਿ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਜੰਗ ਹੁਣ ਤੈਅ ਹੈ। ਇੱਕ ਟੀਵੀ ਇੰਟਰਵਿਊ ਵਿੱਚ ਜੰਗ ਦੇ ਸਵਾਲ 'ਤੇ ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਨਹੀਂ ਹੈ।

ਇਸ ਦੇ ਨਾਲ ਹੀ ਫੌਜ ਦੇ ਬੁਲਾਰੇ ਅਹਿਮਦ ਚੌਧਰੀ ਨੇ ਅੱਜ ਕਿਹਾ ਕਿ ਭਾਰਤ ਸਰਕਾਰ ਅੱਤਵਾਦੀਆਂ ਨੂੰ ਫੰਡ ਦੇਣ ਵਿੱਚ ਸ਼ਾਮਲ ਹੈ। ਉਹ ਸਰਹੱਦ ਪਾਰ ਅੱਤਵਾਦ ਨੂੰ ਉਤਸ਼ਾਹਿਤ ਕਰ ਰਹੀ ਹੈ। ਭਾਰਤ ਵੀ ਕਈ ਅੱਤਵਾਦੀ ਕੈਂਪ ਚਲਾ ਰਿਹਾ ਹੈ।

ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਭਾਰਤ ਨੂੰ ਪਾਕਿਸਤਾਨ ਦੀ ਗੋਲੀਬਾਰੀ ਇੰਨੀ ਪਸੰਦ ਹੈ, ਤਾਂ ਅਸੀਂ ਤੁਹਾਡੀ ਇੱਛਾ ਆਪਣੀ ਪਸੰਦ ਦੇ ਸਥਾਨ, ਸਮੇਂ ਅਤੇ ਤਰੀਕੇ 'ਤੇ ਪੂਰੀ ਕਰਾਂਗੇ।

ਇਸ ਦੌਰਾਨ, ਜੰਗ ਦੀ ਸਥਿਤੀ ਵਿਚਕਾਰ, ਅੰਤਰਰਾਸ਼ਟਰੀ ਮੁਦਰਾ ਫੰਡ (IMF) ਨੇ ਪਾਕਿਸਤਾਨ ਲਈ 2.3 ਬਿਲੀਅਨ ਡਾਲਰ (20 ਹਜ਼ਾਰ ਕਰੋੜ ਰੁਪਏ) ਦੇ ਦੋ ਪੈਕੇਜਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਇਸ ਕਰਜ਼ੇ ਵਿੱਚੋਂ, 1 ਬਿਲੀਅਨ ਡਾਲਰ (8,500 ਕਰੋੜ ਰੁਪਏ) ਐਕਸਟੈਂਡਡ ਫੰਡ ਫੈਸਿਲਿਟੀ (EFA) ਤਹਿਤ ਤੁਰੰਤ ਦਿੱਤੇ ਜਾਣਗੇ, ਜਦੋਂ ਕਿ 1.3 ਬਿਲੀਅਨ ਡਾਲਰ (11,000 ਕਰੋੜ ਰੁਪਏ) ਦਾ ਕਰਜ਼ਾ ਅਗਲੇ 28 ਮਹੀਨਿਆਂ ਵਿੱਚ ਕਿਸ਼ਤਾਂ ਵਿੱਚ ਦਿੱਤਾ ਜਾਵੇਗਾ।

ਪਾਕਿਸਤਾਨ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਭਾਰਤ ਦੇ 77 ਡਰੋਨਾਂ ਨੂੰ ਡੇਗਿਆ ਹੈ। ਸਰਕਾਰ ਨੇ ਇਹ ਵੀ ਕਿਹਾ ਕਿ ਭਾਰਤ ਦੇ ਹਮਲਿਆਂ ਵਿਚ ਹੁਣ ਤੱਕ 31 ਲੋਕ ਮਾਰੇ ਗਏ ਹਨ ਜਦਕਿ 57 ਜ਼ਖਮੀ ਹੋਏ ਹਨ।