17.64C Vancouver 17.64C VancouverJan 21, 2020 10:39 PM -
ਵਾਸ਼ਿੰਗਟਨ 'ਚ ਪਹਿਲੇ ਵੁਹਾਨ ਕੋਰੋਨਾ ਵਾਇਰਸ ਤੋਂ ਪੀੜਤ ਵਿਅਕਤੀ ਦੀ ਪੁਸ਼ਟੀ ਕਰ ਦਿੱਤੀ ਗਈ ਹੈ।
ਸਾਹ ਦੇ ਨਾਲ ਸੰਬੰਧਤ ਇਸ ਇਨਫੈਕਸ਼ਨ ਨਾਲ ਜੁੜਿਆ, ਇਹ ਅਮਰੀਕਾ 'ਚ ਸ੍ਹਾਮਣੇ ਆਉਣ ਵਾਲਾ ਪਹਿਲਾ ਮਾਮਲਾ ਹੈ।
ਜਾਣਕਾਰਾਂ ਅਤੇ ਮਾਹਿਰਾਂ ਦੇ ਲਈ ਰਹੱਸਮਈ ਸਾਬਿਤ ਹੋ ਰਹੀ ਇਸ ਬਿਮਾਰੀ ਦੇ ਚਲਦਿਆਂ ਹੁਣ ਤਕ ਬੀਜਿੰਗ ਨੇ ਘਟੋ ਘਟ 6 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ।
ਜਦਕਿ ਏਸ਼ੀਆ 'ਚ ਇਸਦੇ ਨਾਲ ਸੈਂਕੜੇ ਲੋਕ ਬਿਮਾਰ ਦੱਸੇ ਜਾ ਰਹੇ ਹਨ।
ਅਮਰੀਕਾ 'ਚ ਸ੍ਹਾਮਣੇ ਆਉਣ ਵਾਲੇ ਮਾਮਲੇ ਵਿੱਚ ਪੀੜਤ ਸ਼ਖਸ ਵਾਸ਼ਿੰਗਟਨ ਦੇ ਸਨੋਹਮਿਸ਼ ਕਾਉਂਟੀ ਦਾ ਦੱਸਿਆ ਜਾ ਰਿਹਾ ਹੈ।
ਹੁਣ ਤਕ ਦੀ ਜਾਣਕਾਰੀ ਅਨੁਸਾਰ, ਇਸ ਵਾਇਰਸ ਦੀ ਸ਼ੁਰੂਆਤ ਚੀਨ ਦੇ ਵੁਹਾਨ 'ਚ ਹੋਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ, ਅਮਰੀਕਾ ਦਾ ਇਹ ਸ਼ਖਸ ਵੀ ਹਾਲ 'ਚ ਵੁਹਾਨ ਤੋਂ ਪਰਤਿਆ ਸੀ।
ਬੀਤੇ ਹਫਤੇ ਇਸਨੂੰ ਨਿਮੋਨੀਆ ਨਾਲ ਪੀੜਤ ਦੱਸਿਆ ਗਿਆ ਸੀ, ਅਤੇ ਹਸਪਤਾਲ ਭਰਤੀ ਕਰਵਾਇਆ ਗਿਆ ਸੀ।
ਪਰ ਸੋਮਵਾਰ ਨੂੰ ਇਸਨੂੰ ਕੋਰੋਨਾ ਵਾਇਰਸ ਨਾਲ ਪ੍ਰਭਾਵਿਤ ਦੱਸਿਆ ਗਿਆ।
