13.75C Vancouver 13.75C VancouverJun 7, 2021 7:33 PM -
ਅਮਰੀਕਾ 'ਚ ਕਰੀਬ ਇੱਕ ਦਰਜਨ ਵਾਟਰਪੋਲੋ ਖਿਡਾਰਨਾ ਜਿੰਨਾ ਆਪਣੇ ਸਾਬਕਾ ਕੋਚ 'ਤੇ ਜਿਨਸੀ ਬਦਸਲੂਕੀ ਦੇ ਇਲਜ਼ਾਮ ਲਗਾਏ ਸਨ ਉਨ੍ਹਾਂ ਨੂੰ ਯੂ.ਐਸ.ਏ. ਵਾਟਰਪੋਲੋ ਅਤੇ ਇੱਕ ਕੈਲੀਫੋਰਨੀਆ ਕਲੱਬ ਵੱਲੋਂ ਮੁਕੱਦਮੇ ਨੂੰ ਸੈਟਲ ਕਰਨ ਲਈ ਕਰੀਬ 14 ਮਿਲੀਅਨ ਡਾਲਰ ਦੀ ਰਾਸ਼ੀ ਦਿੱਤੀ ਜਾ ਰਹੀ ਹੈ।
ਸ਼ੁੱਕਰਵਾਰ ਨੂੰ ਔਰੇਂਜ ਕਾਉਂਟੀ ਸੁਪੀਰੀਅਰ ਕੋਰਟ 'ਚ ਇਹ ਸੈਟਲਮੈਂਟ ਐਗਰੀਮੈਂਟ ਫਾਈਲ ਕੀਤਾ ਗਿਆ ਹੈ।
ਵਾਟਰਪੋਲੋ ਖਿਡਾਰਨਾ ਨੇ ਖੇਡ ਦੀ ਗਵਰਨਿੰਗ ਬੌਡੀ ਅਤੇ ਇੱਕ ਅੰਤਰਰਾਸ਼ਟਰੀ ਵਾਟਰਪੋਲੋ ਕਲੱਬ 'ਤੇ ਬਾਹਰਮ ਹੋਜਰੇਹ ਵੱਲੋਂ ਕਥਿਤ ਸ਼ੋਸ਼ਣ ਦੇ ਚਲਦਿਆਂ ਮੁਕੱਦਮਾ ਕੀਤਾ ਸੀ।
ਇਸ ਕੋਚ ਨੂੰ ਖੇਡ ਤੋਂ ਬੈਨ ਕਰ ਦਿੱਤਾ ਗਿਆ ਹੈ ਅਤੇ ਇਸ 'ਤੇ ਅਪਰਾਧਿਕ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਲਗਾਏ ਗਏ ਹਨ।
ਹੋਜਰੇਹ ਨੇ ਖੁਦ ਨੂੰ ਬੇਕਸੂਰ ਦੱਸਿਆ ਹੈ।
ਯਾਦ ਰਹੇ ਕੈਲੀਫੋਰਨੀਆ ਸਟੇਟ ਸੁਪ੍ਰੀਮ ਕੋਰਟ ਨੇ ਅਪ੍ਰੈਲ 'ਚ ਕਿਹਾ ਸੀ ਕਿ ਸਪੋਰਟਸ ਗਵਰਨਿੰਗ ਸੰਗਠਨਾਂ 'ਤੇ ਅਥਲੀਟਾਂ ਦੀ ਸੰਭਾਲ ਦੀ ਜ਼ਿੰਮੇਵਾਰੀ ਹੈ।
