13.65C Vancouver 13.65C VancouverMay 14, 2026 5:45 PM - Connect Newsroom - Ramandeep Kaur with files from The Canadian Press
ਕੈਮਲੂਪਸ ਸ਼ਹਿਰ ਦੇ ਈਸਟ ਹਿੱਸੇ ਵਿਚ ਸਥਿਤ ਲਗਭਗ 8,000 ਘਰਾਂ ਨੂੰ ਪਾਣੀ ਦੇ ਸੰਕਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਇਲਾਕੇ ਵਿਚ ਪਾਣੀ ਦੀ ਮੁੱਖ ਪਾਈਪਲਾਈਨ ਵਿਚ ਲੀਕੇਜ ਕਾਰਨ ਪਿਛਲੇ ਕਈ ਦਿਨਾਂ ਤੋਂ ਇਸ ਸੰਕਟ ਨੂੰ ਹੱਲ ਕਰਨ ਲਈ ਟੀਮਾਂ ਲਗਾਤਾਰ ਕੰਮ ਕਰ ਰਹੀਆਂ ਹਨ।
ਹਾਲਾਂਕਿ, ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਸਪਲਾਈ ਸੀਮਤ ਰੂਪ ਵਿਚ ਬਹਾਲ ਕਰ ਦਿੱਤੀ ਗਈ ਹੈ ਪਰ ਇਹ ਪਾਣੀ ਅਜੇ ਪੀਣ ਯੋਗ ਨਹੀਂ ਹੈ, ਜਿਸ ਕਾਰਨ ਵੱਖ-ਵੱਖ ਇਲਾਕਿਆਂ ਲਈ ਚਾਰ ਚੋਣਵੀਆਂ ਥਾਵਾਂ ਵੈਲੀਵਿਊ ਅਰੇਨਾ, ਡੱਲਾਸ ਪਾਰਕ ਅਤੇ ਬੀ.ਸੀ. ਵਾਈਲਡਲਾਈਫ ਪਾਰਕ ਵਿਖੇ ਸ਼ੁੱਕਰਵਾਰ ਤੱਕ 24 ਘੰਟੇ ਪੀਣ ਵਾਲੇ ਪਾਣੀ ਦੇ ਟੈਂਕਰ ਜ਼ਰੀਏ ਸਪਲਾਈ ਜਾਰੀ ਰੱਖੀ ਜਾ ਰਹੀ ਹੈ।
ਇਸੇ ਵਿਚਕਾਰ ਪਾਈਪਲਾਈਨ ਟੁੱਟਣ ਨਾਲ ਪ੍ਰਭਾਵਿਤ ਇਲਾਕੇ ਦੇ ਪਰਿਵਾਰਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਅੱਜ ਸ਼ਾਮ 6 ਵਜੇ ਤੱਕ ਪਾਣੀ ਦਾ ਇਸਤੇਮਾਲ ਕੁਝ ਸਮੇਂ ਲਈ ਨਾ ਕਰਨ ਕਿਉਂਕਿ ਟੀਮਾਂ ਵਾਟਰ ਮੇਨ ਦੀ ਮੁਰੰਮਤ ਲਈ ਅਹਿਮ ਪੜਾਅ 'ਤੇ ਹਨ।
