17.89C Vancouver 17.89C VancouverJul 10, 2020 2:08 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀਆਂ 'ਵੀ' ਸੰਗਠਨ ਦੇ ਨਾਲ ਜਾਰੀ ਪ੍ਰੇਸ਼ਾਨੀਆਂ 'ਚ ਅੱਜ ਹੋਰ ਵਾਧਾ ਹੋ ਗਿਆ ਹੈ।
ਖਬਰਾਂ ਸਾਹਮਣੇ ਆਈਆਂ ਹਨ ਕਿ, 'ਵੀ' ਸੰਗਠਨ ਨੇ ਆਪਣੇ ਸਮਾਗਮਾਂ 'ਚ ਸ਼ਾਮਿਲ ਹੋਣ ਤੇ ਬੋਲਣ ਲਈ ਟਰੂਡੋ ਪਰਿਵਾਰਾਂ ਨੂੰ ਹਜ਼ਾਰਾਂ ਡਾਲਰ ਦਿੱਤੇ ਹਨ।
ਟਰੂਡੋ ਦੇ ਪਰਿਵਾਰ ਦੇ ਮੈਂਬਰਾਂ ਨੂੰ 'ਵੀ' ਚੈਰਿਟੀ ਵੱਲੋਂ $300,000 ਦੇ ਕਰੀਬ ਦੀ ਰਾਸ਼ੀ ਦਿੱਤੇ ਜਾਣ ਦੀਆਂ ਖਬਰਾਂ ਉਜਾਗਰ ਹੋਈਆਂ ਹਨ।
'ਵੀ' ਚੈਰਿਟੀ ਦੇ ਸਮਾਗਮਾਂ 'ਚ ਬੋਲਣ ਲਈ ਇਸ ਰਕਮ ਦੇ ਦਿੱਤੇ ਜਾਣ ਦੀ ਗੱਲ ਆਖੀ ਗਈ ਹੈ।
ਜਸਟਿਨ ਟਰੂਡੋ ਦੀ ਮਾਂ, ਮਾਰਗਰੇਟ ਟਰੂਡੋ ਨੇ ਕਰੀਬ 28 ਸਮਾਗਮਾਂ 'ਚ ਆਪਣੇ ਵਿਚਾਰ ਪੇਸ਼ ਕੀਤੇ ਸਨ, ਅਤੇ ਇਸ ਦੇ ਲਈ ਸਾਲ 2016 ਤੋਂ 2020 ਦੇ ਦਰਮਿਆਨ ਉਨ੍ਹਾਂ ਨੂੰ $2,50,000 ਦੀ ਰਕਮ ਦਿੱਤੀ ਗਈ।
ਟਰੂਡੋ ਦੇ ਭਰਾ ਐਲਿਕਜ਼ੈਂਡਰ ਟਰੂਡੋ ਨੇ 2017 ਤੋਂ 2018 ਵਿਚਾਲੇ 'ਵੀ' ਦੇ 8 ਸਮਾਗਮਾਂ 'ਚ ਹਿੱਸਾ ਲਿਆ, ਅਤੇ ਇਸ ਦੌਰਾਨ ਬੋਲਣ ਲਈ ਉਨ੍ਹਾਂ ਨੂੰ ਕਰੀਬ $32,000 ਦੀ ਰਕਮ ਦਿੱਤੀ ਗਈ।
ਇਸ ਮਾਮਲੇ ਬਾਰੇ ਪਹਿਲਾਂ ਹੀ ਟਰੂਡੋ 'ਤੇ 'ਐਥਿਕਸ ਜਾਂਚ' ਕੀਤੀ ਜਾ ਰਹੀ ਹੈ।
