24.87C Vancouver 24.87C VancouverJun 16, 2025 7:45 PM - The Canadian Press
ਸਕਵਾਮਿਸ਼ ਦੇ ਉੱਤਰੀ ਹਿੱਸੇ ਵਿਚ ਜੰਗਲ ਵਿਚ ਲੱਗੀ ਅੱਗ ਨੂੰ ਸੋਮਵਾਰ ਤੱਕ ਸੀਮਤ ਦਾਇਰੇ ਵਿਚ ਕਰਨ 'ਤੇ ਸਫਲਤਾ ਹਾਸਲ ਕਰ ਲਈ ਗਈ ਹੈ।ਬੀ.ਸੀ. ਵਾਈਲਡਫਾਇਰ ਸਰਵਿਸ ਦੇ ਸੂਚਨਾ ਅਧਿਕਾਰੀ ਸਾਰਾਹ ਬਡ ਦਾ ਕਹਿਣਾ ਹੈ ਕਿ ਜ਼ਮੀਨੀ ਅਮਲਾ ਹੁਣ ਡ੍ਰਾਈਡਨ ਕ੍ਰੀਕ ਜੰਗਲ ਦੀ ਅੱਗ ਨੂੰ ਪੂਰੀ ਤਰ੍ਹਾਂ ਕਾਬੂ ਵਿਚ ਲਿਆਉਣ ਲਈ ਕੰਮ ਕਰ ਰਿਹਾ ਹੈ।
ਸਾਰਾਹ ਨੇ ਕਿਹਾ ਕਿ ਸਾਡੇ ਕੋਲ ਅੱਗ ਬੁਝਾਉਣ ਲਈ ਮੌਕੇ 'ਤੇ 3 ਹੈਲੀਕਾਪਟਰ ਵੀ ਹਨ। ਉਨ੍ਹਾਂ ਕਿਹਾ ਕਿ ਇਹ ਅੱਗ ਹੁਣ 60 ਹੈਕਟੇਅਰ ਤੋਂ ਘੱਟ ਖੇਤਰ ਵਿਚ ਹੈ। ਇਸ ਵਿਚਕਾਰ ਸਕਵਾਮਿਸ਼ ਫਾਇਰ ਡਿਪਾਰਟਮੈਂਟ ਵਲੋਂ ਜੰਗਲ ਦੀ ਅੱਗ ਦੇ ਨਜ਼ਦੀਕ ਵਾਲੇ ਖੇਤਰ ਵਿਚ ਘਰਾਂ ਲਈ ਜਾਰੀ ਨਿਕਾਸੀ ਦੇ ਹੁਕਮ ਨੂੰ ਘੱਟ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ, ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਡ੍ਰਾਈਡਨ ਕ੍ਰੀਕ ਦੀ ਜੰਗਲੀ ਅੱਗ ਇੱਕ ਮੁਸ਼ਕਲ ਪਹੁੰਚਯੋਗ ਇਲਾਕੇ ਵਿਚ ਹੈ, ਇਸ ਲਈ ਇਸ 'ਤੇ ਪੂਰੀ ਤਰ੍ਹਾਂ ਕਾਬੂ ਪਾਉਣ ਵਿਚ ਇੱਕ ਹਫ਼ਤੇ ਜਾਂ ਉਸ ਤੋਂ ਜ਼ਿਆਦਾ ਦਾ ਸਮਾਂ ਲੱਗ ਸਕਦਾ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਕਿਹਾ ਕਿ ਉਦੋਂ ਤੱਕ ਅੱਗ ਬਝਾਊ ਅਮਲਾ ਸਾਈਟ 'ਤੇ ਹੀ ਰਹੇਗਾ।
