ਵੈਸਟ ਸ਼ੋਰ ਆਰ.ਸੀ.ਐਮ.ਪੀ. ਹਮਲੇ ਦੇ ਸ਼ੱਕੀ ਦੀ ਪਛਾਣ ਕਰਨ ਦੀ ਕਰ ਰਹੀ ਕੋਸ਼ਿਸ਼

ਵਿਕਟੋਰੀਆ-ਖੇਤਰ ਦੀ ਇੱਕ ਪਾਰਕ ਵਿਚ ਔਰਤ 'ਤੇ ਹੋਏ ਕਥਿਤ ਹਮਲੇ ਦੇ ਮਾਮਲੇ ਵਿਚ ਵੈਸਟ ਸ਼ੌਰ ਆਰ.ਸੀ.ਐਮ.ਪੀ. ਇੱਕ ਸ਼ੱਕੀ ਦੀ ਤਲਾਸ਼ ਕਰ ਰਹੀ ਹੈ, ਜਿਸ ਦੀ ਪਛਾਣ ਕਰਨ ਲਈ ਜਨਤਾ ਤੋਂ ਜਾਣਕਾਰੀ ਮੰਗ ਗਈ ਹੈ। ਪੁਲਿਸ ਨੇ ਕਿਹਾ ਕਿ ਵਿਊ ਰਾਇਲ ਦੀ ਥੇਟਿਸ ਲੇਕ ਖੇਤਰੀ ਪਾਰਕ ਵਿਚ 12 ਅਗਸਤ ਨੂੰ ਸਵੇਰ 9 ਵਜੇ ਦੇ ਕਰੀਬ ਔਰਤ ਇੱਕ ਪਗਡੰਡੀ 'ਤੇ ਟਹਿਲ ਰਹੀ ਸੀ ਜਦੋਂ ਇੱਕ ਅਣਜਾਣ ਵਿਅਕਤੀ ਝਾੜੀਆਂ ਵਿਚੋਂ ਨਿਕਲ ਕੇ ਉਸ ਕੋਲ ਆਇਆ ਅਤੇ ਔਰਤ ਨੂੰ ਫੜ ਲਿਆ।

ਪੁਲਿਸ ਨੇ ਕਿਹਾ ਕਿ ਇਸ ਘਟਨਾ ਵਿਚ ਔਰਤ ਨੂੰ ਕੋਈ ਸੱਟ ਨਹੀਂ ਲੱਗੀ ਅਤੇ ਉਹ ਬਚ ਕੇ ਉਥੋਂ ਨਿਕਲਣ ਵਿਚ ਸਫਲ ਰਹੀ। ਪੁਲਿਸ ਨੇ ਦੱਸਿਆ ਕਿ ਸ਼ੱਕੀ ਇੱਕ ਗੋਰਾ ਹੈ, ਜਿਸ ਨੇ ਘਟਨਾ ਸਮੇਂ ਹਰੇ ਰੰਗ ਦੀ ਸ਼ਾਰਟ ਸਲੀਵ ਟੀ-ਸ਼ਰਟ, ਖਾਕੀ ਪੈਂਟ, ਡਾਰਕ ਬੂਟ ਪਾਏ ਹੋਏ ਸਨ।

ਕਾਰਪੋਰਲ ਕ੍ਰਿਸ ਜੋਏ ਨੇ ਕਿਹਾ ਕਿ ਹਾਲਾਂਕਿ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਇੱਥੇ ਬਹੁਤ ਘੱਟ ਹੁੰਦੀਆਂ ਹਨ ਪਰ ਇਹ ਚਿੰਤਾਜਨਕ ਮਾਮਲਾ ਹੈ ਅਤੇ ਅਸੀਂ ਲੋਕਾਂ ਨੂੰ ਸ਼ੱਕੀ ਗਤੀਵਿਧੀ ਦੀ ਤੁਰੰਤ ਰਿਪੋਰਟ ਕਰਨ ਲਈ ਕਹਿੰਦੇ ਹਾਂ।