6.63C Vancouver 6.63C VancouverApr 6, 2026 3:26 PM - Connect Newsroom - Ramandeep Kaur with files from The Canadian Press
ਕੈਲਗਰੀ ਦੀ ਹਵਾਈ ਕੰਪਨੀ ਵੈਸਟਜੈੱਟ ਤੇਲ ਦੀਆਂ ਵੱਧਦੀਆਂ ਕੀਮਤਾਂ ਕਾਰਨ ਕੁਝ ਖਾਸ ਬੁਕਿੰਗ 'ਤੇ $60 ਦਾ ਆਰਜ਼ੀ ਸਰਚਾਰਜ ਲਗਾ ਰਹੀ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਆਪਣੀਆਂ ਕਈ ਉਡਾਣਾਂ ਨੂੰ ਵੀ ਆਪਸ ਵਿੱਚ ਮਿਲਾ ਦਿੱਤਾ ਹੈ।
ਬੁੱਧਵਾਰ ਤੋਂ ਬਾਅਦ ਕੰਪੈਨੀਅਨ ਵਾਊਚਰ ਰਾਹੀਂ ਕੀਤੀਆਂ ਜਾਣ ਵਾਲੀਆਂ ਸਾਰੀਆਂ ਬੁਕਿੰਗ 'ਤੇ $60 ਦਾ ਵਾਧੂ ਚਾਰਜ ਲਿਆ ਜਾਵੇਗਾ।ਜਿਨ੍ਹਾਂ ਰੂਟਾਂ 'ਤੇ ਮੁਸਾਫਰਾਂ ਦੀ ਗਿਣਤੀ ਘੱਟ ਹੈ, ਉੱਥੇ ਕੰਬਾਈਨ ਫਲਾਈਟ ਚੱਲਣੀਆਂ ਹਨ।
ਇਸ ਕਾਰਨ ਅਪ੍ਰੈਲ ਵਿੱਚ ਉਡਾਣਾਂ ਦੀ ਗਿਣਤੀ ਵਿੱਚ ਲਗਭਗ 1 ਫੀਸਦੀ ਅਤੇ ਮਈ ਵਿੱਚ 3 ਫੀਸਦੀ ਦੀ ਕਟੌਤੀ ਹੋਵੇਗੀ। ਤੇਲ ਦੀ ਕੀਮਤ ਕਿਸੇ ਵੀ ਏਅਰਲਾਈਨ ਲਈ ਸਭ ਤੋਂ ਵੱਡਾ ਖਰਚਾ ਹੁੰਦੀ ਹੈ। ਈਰਾਨ ਨਾਲ ਜੰਗ ਸ਼ੁਰੂ ਹੋਣ ਤੋਂ ਬਾਅਦ ਤੇਲ ਦੀ ਸਪਲਾਈ ਵਿੱਚ ਕਮੀ ਆਈ ਹੈ ਅਤੇ ਪ੍ਰਤੀ ਬੈਰਲ ਕੀਮਤ ਬਹੁਤ ਵਧ ਗਈ ਹੈ।
ਵੈਸਟਜੈੱਟ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਮੁਸਾਫਰਾਂ ਦੀਆਂ ਉਡਾਣਾਂ ਵਿੱਚ ਬਦਲਾਅ ਹੋਇਆ ਹੈ, ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਨੂੰ ਰਹਿਣ-ਸਹਿਣ ਜਾਂ ਹੋਰ ਉਡਾਣਾਂ ਦੀ ਸਹੂਲਤ ਦਿੱਤੀ ਗਈ ਹੈ।
