ਵੈਸਟਜੈੱਟ ਨੇ ਐਡਮਿੰਟਨ ਤੇ ਵੈਨਕੂਵਰ ਤੋਂ ਨਵੀਆਂ ਫਲਾਈਟਸ ਸ਼ੁਰੂ ਕਰਨ ਦਾ ਕੀਤਾ ਐਲਾਨ

ਕੈਨੇਡਾ ਦੀ ਦੂਜੀ ਸਭ ਤੋਂ ਵੱਡੀ ਏਅਰਲਾਈਨ ਵੈਸਟਜੈੱਟ ਨੇ ਐਡਮਿੰਟਨ ਅਤੇ ਵੈਨਕੂਵਰ ਤੋਂ ਨਵੀਆਂ ਫਲਾਈਟਸ ਸ਼ੁਰੂ ਕਰਨ ਦੀ ਘੋਸ਼ਣਾ ਕੀਤੀ ਹੈ।

ਏਅਰਲਾਈਨ ਨੇ ਇਸ ਦੇ ਨਾਲ ਕੁਝ ਸਾਮਾਨ ਅਤੇ ਸੀਟ ਚੋਣ ਫੀਸ ਵਿੱਚ ਵੀ ਵਾਧਾ ਕਰ ਦਿੱਤਾ ਹੈ, ਜੋ ਮੰਗਲਵਾਰ ਤੋਂ ਲਾਗੂ ਹੋ ਚੁੱਕਾ ਹੈ।

ਵੈਸਟਜੈੱਟ ਨੇ ਐਡਮਿੰਟਨ ਅਤੇ ਵੈਨਕੂਵਰ ਨੂੰ ਅਮਰੀਕਾ ਦੇ ਸ਼ਹਿਰਾਂ ਨਾਲ ਜੋੜ੍ਹਨ ਲਈ ਗਰਮੀ ਦੀ ਸਮਾਂ-ਸਾਰਣੀ ਵਿੱਚ ਕੁੱਲ 4 ਨਵੇਂ ਰੂਟ ਸ਼ਾਮਲ ਕੀਤੇ ਹਨ।

ਇਸ ਤਹਿਤ ਐਡਮੰਟਨ ਅੰਤਰਰਾਸ਼ਟਰੀ ਹਵਾਈ ਅੱਡਾ ਅਤੇ ਸੈਨ ਫ੍ਰਾਂਸਿਸਕੋ ਵਿਚਕਾਰ ਨਵੀਂ ਫਲਾਈਟ 20 ਜੂਨ ਤੋਂ, ਨੈਸ਼ਵਿਲ ਲਈ 2 ਮਈ ਤੋਂ ਅਤੇ ਅਟਲਾਂਟ ਲਈ 29 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗੀ।

ਉਥੇ ਹੀ ਵੈਨਕੂਵਰ ਅਤੇ ਡੀਟ੍ਰਾਯ੍ਟ ਵਿਚਕਾਰ ਨਵੀਂ ਫਲਾਈਟ ਮੌਸਮੀ ਆਧਾਰ 'ਤੇ 28 April ਤੋਂ ਸ਼ੁਰੂ ਹੋਵੇਗੀ।

ਏਅਰਲਾਈਨ ਨੇ ਏਅਰਪੋਰਟ ਏਜੰਟ ਨਾਲ ਚੈੱਕ-ਇਨ ਲਈ ਬੈਗ ਫੀਸ ਵਿੱਚ ਤਬਦੀਲੀ ਕੀਤੀ ਹੈ, ਜਿਸ ਤਹਿਤ ਹੁਣ ਫਸਟ, ਸੈਕਿੰਡ ਅਤੇ ਵਾਧੂ ਬੈਗ ਲਈ $10 ਵਾਧੂ ਦੇਣੇ ਹੋਣਗੇ।

ਇਸ ਤੋਂ ਇਲਾਵਾ ਅਕਾਨਮੀ ਅਤੇ econoflex fares ਵਾਲੇ ਯਾਤਰੀਆਂ ਲਈ ਚੈੱਕ-ਇਨ ਦੌਰਾਨ ਤਰਜੀਹੀ ਜਾਂ ਐਮਰਜੈਂਸੀ ਐਗਜ਼ਿਟ ਲਾਈਨ ਵਿੱਚ ਸੀਟਾਂ ਦੀ ਚੋਣ ਲਈ ਫੀਸ ਲਾਗੂ ਕਰ ਦਿੱਤੀ ਗਈ ਹੈ।