18.33C Vancouver 18.33C VancouverJun 24, 2020 11:31 PM -
ਵੈਸਟਜੈਟ ਦੇ 3,333 ਕਰਮਚਾਰੀਆਂ ਨੂੰ ਲੇਆਫ ਕੀਤਾ ਜਾ ਰਿਹਾ ਹੈ।
ਏਅਰਲਾਈਨ ਵੱਲੋਂ ਲੇਆਫ ਕਰਨ ਦਾ ਸਿਲਸਿਲਾ ਜਾਰੀ ਰੱਖਦੇ ਹੋਏ ਕਿਹਾ ਗਿਆ ਹੈ ਕਿ ਕੋਵਿਡ-19 ਪੈਂਡੇਮਿਕ ਦੇ ਕਾਰਨ ਇਹ ਬਦਲਾਅ ਕਰਨ ਤੋਂ ਬਚਿਆ ਨਹੀਂ ਜਾ ਸਕਦਾ।
ਕੰਪਨੀ ਦਾ ਕਹਿਣਾ ਹੈ ਕਿ, ਉਨ੍ਹਾਂ ਵੱਲੋਂ ਐਲਬਰਟਾ 'ਚ ਕਾਲ ਸੈਂਟਰ ਗਤੀਵਿਧੀਆਂ ਅਰੰਭੀਆਂ ਜਾਣਗੀਆਂ, ਦਫਤਰ ਦਾ ਪੁਨਰਗਠਨ ਕੀਤਾ ਜਾਵੇਗਾ, ਅਤੇ ਕੈਨੇਡਾ ਦੇ 38 ਹਵਾਈ ਅੱਡੇ, ਜਿੱਥੇ ਕਿ ਕੰਪਨੀ ਦੇ ਆਪ੍ਰੇਸ਼ਨ ਜਾਰੀ ਰਹਿੰਦੇ ਹਨ, ਉਨ੍ਹਾਂ ਵਿੱਚੋਂ 4 ਨੂੰ ਕੰਟਰੈਕਟ ਆਊਟ ਕੀਤਾ ਜਾਵੇਗਾ।
ਪੈਂਡੇਮਿਕ ਕਾਰਨ ਬਾਰਡਰ ਦੇ ਬੰਦ ਕੀਤੇ ਜਾਣ ਤੋਂ ਬਾਅਦ, ਵੈਸਟਜੈਟ ਦੀ ਸਮੇਂਸੂਚੀ 'ਤੇ ਅਸਰ ਪਿਆ ਸੀ, ਅਤੇ ਉਸ ਦੇ ਬਹੁਤ ਸਾਰੇ ਅੰਤਰਰਾਸ਼ਟਰੀ ਟ੍ਰਿਪ ਵੀ ਰੁਕ ਗਏ ਸਨ।
ਕੰਪਨੀ ਦੇ ਸੀ.ਈ.ਓ. ਐਡ ਸਿਮਸ ਨੇ ਕਿਹਾ, ਇਹ ਬਦਲਾਅ ਜ਼ਰੂਰੀ ਹਨ ਅਤੇ ਇਨ੍ਹਾਂ ਤੋਂ ਬਚਿਆ ਨਹੀਂ ਜਾ ਸਕਦਾ, ਅਤੇ ਕੰਪਨੀ ਏਵੀਏਸ਼ਨ ਖੇਤਰ ਦੇ ਇਤਿਹਾਸਿਕ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ।
ਕੰਪਨੀ ਦਾ ਕਹਿਣਾ ਹੈ ਕਿ ਹਵਾਈ ਅੱਡੇ ਦੇ ਪਾਰਟਨਰਜ਼ ਦੀ ਭਾਲ ਕਰਦੇ ਹੋਏ, ਲੇਆਫ ਦਾ ਸਾਹਮਣਾ ਕਰ ਰਹੇ 2,300 ਵੈਸਟਜੈਟ ਵਰਕਰਾਂ ਨੂੰ ਤਰਜੀਹ ਦੇਣ ਦੀ ਕੋਸ਼ਿਸ਼ ਰਹੇਗੀ।
