ਵ੍ਹਾਈਟਕੈਪਸ ਐਫ.ਸੀ. ਅਤੇ ਕਨੈਕਟ ਐਫ.ਐਮ. ਵੱਲੋਂ ਪੰਜਾਬੀ ਰੇਡੀਓ ਬ੍ਰੌਡਕਾਸਟ ਪਾਰਟਨਰਸ਼ਿਪ ਦਾ ਐਲਾਨ

ਵੈਨਕੂਵਰ ਵ੍ਹਾਈਟਕੈਪਸ ਐਫ.ਸੀ. ਅਤੇ ਕਨੈਕਟ ਐਫ.ਐਮ. 91.5 ਵੱਲੋਂ ਸ਼ੁੱਕਰਵਾਰ ਨੂੰ ਐਲਾਨ ਕੀਤਾ ਗਿਆ ਕਿ ਕਨੈਕਟ ਐਫ.ਐਮ. ਹੁਣ ਕਲੱਬ ਦਾ ਸਾਲ 2026 ਸੀਜ਼ਨ ਲਈ ਅਧਿਕਾਰਿਤ ਲੋਕਲ ਪੰਜਾਬੀ ਰੇਡੀਓ ਬ੍ਰੌਡਕਾਸਟ ਪਾਰਟਨਰ ਹੋਵੇਗਾ। ਇਸ ਪਾਰਟਨਰਸ਼ਿਪ ਤਹਿਤ ਕਨੈਕਟ ਐਫ.ਐਮ. ਵੱਲੋਂ 17 ਐਮ.ਐਲ.ਐਸ. ਰੈਗੂਲਰ ਸੀਜ਼ਨ ਹੋਮ ਮੁਕਾਬਲਿਆਂ ਦਾ ਪੰਜਾਬੀ 'ਚ ਸਿੱਧਾ ਪ੍ਰਸਾਰਣ ਹੋਵੇਗਾ।

ਇਸ ਸਿੱਧੇ ਪ੍ਰਸਾਰਣ ਦਾ ਅਨੰਦ ਮਾਨਣ ਲਈ ਖੇਡ ਪ੍ਰਸ਼ੰਸਕ ਕਨੈਕਟ ਐਫ.ਐਮ. 'ਤੇ 91.5 ਐਫ.ਐਮ. 'ਤੇ ਟਿਊਨ ਇਨ ਕਰ ਸਕਦੇ ਹਨ ਜਾਂ ਫਿਰ ਲਾਈਵ ਬ੍ਰੌਡਕਾਸਟ ਦਾ ਸਟ੍ਰੀਮ ਕਨੈਕਟ ਐਫ.ਐਮ. ਦੀ ਵੈਬਸਾਈਟ, ਮੋਬਾਈਲ ਐਪ, ਜਾਂ ਸਟੇਸ਼ਨ ਦੇ ਹੋਰ ਫੌਰਮੈਟਸ ਜ਼ਰੀਏ ਸੁਣ ਸਕਦੇ ਹਨ।

ਵ੍ਹਾਈਟਕੈਪਸ ਐਫ.ਸੀ. ਦੀ ਚੀਫ਼ ਕਮਰਸ਼ਲ ਅਫ਼ਸਰ, ਅਦਿਤੀ ਭੱਟ ਦਾ ਕਹਿਣਾ ਸੀ ਕਿ, "ਸੌਕਰ ਇੱਕ ਯੂਨੀਵਰਸਲ ਖੇਡ ਹੈ, ਅਤੇ ਅਸੀਂ ਹਮੇਸ਼ਾ ਹੀ ਆਪਣੀ ਕਮਿਊਨਿਟੀ ਦੀ ਵਿਭਿੰਨਤਾ ਦੀ ਨੁਮਾਇੰਦਗੀ 'ਚ ਬੇਹੱਦ ਮਾਣ ਮਹਿਸੂਸ ਕੀਤਾ ਹੈ।" "ਅਸੀਂ ਕਨੈਕਟ ਐਫ.ਐਮ. ਨਾਲ ਪਾਰਟਨਰਸ਼ਿਪ 'ਤੇ ਬੇਹੱਦ ਉਤਸ਼ਾਹਿਤ ਹਾਂ, ਅਤੇ ਇਸ ਕੋਲੈਬੋਰੇਸ਼ਨ ਲਈ ਅਤੇ ਕਮਿਊਨਿਟੀ ਪ੍ਰਤੀ ਆਪਣੇ ਸਮਰਪਣ (ਡੈਡੀਕੇਸ਼ਨ) ਲਈ ਉਨ੍ਹਾਂ ਦੇ ਧੰਨਵਾਦੀ ਹਾਂ। ਸਾਂਝੇ ਤੌਰ 'ਤੇ ਅਸੀਂ ਭਾਸ਼ਾ ਦੇ ਬੈਰੀਅਰਸ ਤੋੜ ਗਲੋਬਲ ਗੇਮ ਦੇ ਫੈਨਸ ਨੂੰ ਵ੍ਹਾਈਟਕੈਪਸ ਪ੍ਰੀਵਾਰ ਨਾਲ ਜੋੜਨ ਅਤੇ ਉਨ੍ਹਾਂ ਦੀ ਭਾਸ਼ਾ ਵਿੱਚ ਮੁਕਾਬਲਿਆਂ ਦਾ ਅਨੰਦ ਲੈਣ ਲਈ ਐਕਸਾਈਟਿਡ ਹਾਂ।"

ਮੈਚ ਕਵਰੇਜ ਦਾ ਸਿੱਧਾ ਪ੍ਰਸਾਰਣ ਇਸ ਸ਼ਨੀਵਾਰ, 21 ਫਰਵਰੀ ਨੂੰ ਸ਼ਾਮ 4 ਵਜੇ (ਪੀ.ਟੀ.) ਸ਼ੁਰੂ ਹੋਵੇਗਾ, ਜਦ ਡਿਫੈਂਡਿੰਗ ਵੈਸਟਰਨ ਕਾਨਫਰੰਸ ਚੈਂਪੀਅਨ ਵ੍ਹਾਈਟਕੈਪਸ ਇਸ ਐਮ.ਐਲ.ਐਸ. ਸੀਜ਼ਨ 'ਚ ਬੀ.ਸੀ. ਪਲੇਸ ਸਟੇਡੀਅਮ ਵਿਖੇ ਰੀਅਲ ਸਾਲਟ ਲੇਕ ਨਾਲ ਟੱਕਰ ਲੈਣਗੇ। ਬ੍ਰੌਡਕਾਸਟਸ ਦੇ ਵਿੱਚ ਪ੍ਰੀ-ਗੇਮ ਅਤੇ ਪੋਸਟ-ਗੇਮ ਸ਼ੋਅ ਵੀ ਸ਼ਾਮਿਲ ਹੋਵੇਗਾ।

ਕਨੈਕਟ ਮੀਡਿਆ ਨੈਟਵਰਕ ਦੇ ਡਾਇਰੈਕਟਰ ਆਫ ਸਟ੍ਰੈਟਜੀ ਐਂਡ ਆਪ੍ਰੇਸ਼ਨਸ, ਤੇਜਿੰਦਰ ਸਿੰਘ ਦਾ ਕਹਿਣਾ ਸੀ ਕਿ, "ਕਨੈਕਟ ਮੀਡੀਆ ਨੈਟਵਰਕ ਵੈਨਕੂਵਰ ਵ੍ਹਾਈਟਕੈਪਸ ਐਫ.ਸੀ. ਨਾਲ ਪੰਜਾਬੀ ਰੇਡੀਓ ਬ੍ਰੌਡਕਾਸਟ ਪਾਰਟਨਰ ਵਜੋਂ ਜੁੜਨ 'ਤੇ ਮਾਣ ਮਹਿਸੂਸ ਕਰਦਾ ਹੈ, ਅਤੇ ਇਸ ਨਾਲ ਮੈਟਰੋ ਵੈਨਕੂਵਰ ਦੇ ਪੰਜਾਬੀ ਬੋਲਣ ਵਾਲੇ ਫੈਨਸ ਤੱਕ ਵੀ ਮੈਚਡੇਅ ਐਕਸੈਸ ਐਕਸਪੈਂਡ ਹੋਵੇਗਾ।" "ਕਨੈਕਟ ਐਫ.ਐਮ. ਵ੍ਹਾਈਟਕੈਪਸ ਐਫ.ਸੀ. ਦੀਆਂ ਐਮ.ਐਲ.ਐਸ. ਗੇਮਸ ਦਾ ਪਹਿਲਾ ਪੰਜਾਬੀ ਰੇਡੀਓ ਪ੍ਰੈਜ਼ੈਂਟਰ ਹੈ ਅਤੇ ਇਹ ਕਨੇਡੀਅਨ ਸੌਕਰ ਬ੍ਰੌਡਕਾਸਟਿੰਗ ਵਿੱਚ ਇੱਕ ਇਤਿਹਾਸਿਕ ਮੀਲਪੱਥਰ ਹੈ। ਕਨੈਕਟ ਐਫ.ਐਮ. ਖੁਦ 'ਤੇ ਵਿਖਾਏ ਇਸ ਵਿਸ਼ਵਾਸ ਅਤੇ ਇਸ ਪਾਰਟਨਰਸ਼ਿਪ ਲਈ ਵ੍ਹਾਈਟਕੈਪਸ ਐਫ.ਸੀ. ਦਾ ਧੰਨਵਾਦੀ ਹੈ, ਅਤੇ ਇੱਕ ਮਜ਼ਬੂਤ ਅਤੇ ਲੌਂਗ-ਟਰਮ ਰਿਸ਼ਤੇ ਦੀ ਆਸ ਹੈ ਜਿਸ ਦਾ ਲਾਭ ਮੈਟਰੋ ਵੈਨਕੂਵਰ ਦੇ ਫੈਨਸ ਨੂੰ ਮਿਲੇ।"

ਕਨੈਕਟ ਐਫ.ਐਮ. ਬ੍ਰੌਡਕਾਸਟ ਟੀਮ 'ਚ ਇਸ ਸੀਜ਼ਨ ਦੇ ਪਹਿਲੇ ਗੇਮ ਲਈ ਜਗਰਾਜ ਲਾਲੀ ਅਤੇ ਸ਼ੁਭਮ ਅਰੋੜਾ ਸ਼ਾਮਿਲ ਹੋਣਗੇ, ਜੋ ਹਾਕੀ ਨਾਈਟ ਇਸ ਕੈਨੇਡਾ ਪੰਜਾਬੀ 'ਚ ਕੰਮ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਕਨੈਕਟ ਐਫ.ਐਮ. ਦੇ ਨਿਊਜ਼ ਡਾਇਰੈਕਟਰ ਪਰਵੇਜ਼ ਸੰਧੂ ਵੀ ਪੂਰੇ ਲਾਈਵ ਬ੍ਰੌਡਕਾਸਟ ਦਾ ਹਿੱਸਾ ਹੋਣਗੇ।