ਵੈਨਕੂਵਰ ਵ੍ਹਾਈਟਕੈਪਸ ਸਾਹਮਣੇ ਨਹੀਂ ਚੱਲਿਆ ਮੈਸੀ ਮੈਜਿਕ, ਵ੍ਹਾਈਟਕੈਪਸ 2-0 ਨਾਲ ਜੇਤੂ

ਵੈਨਕੂਵਰ ਵਿੱਚ ਕੱਲ੍ਹ ਰਾਤ ਫੁੱਟਬਾਲ ਮੁਕਾਬਲੇ ਵਿੱਚ ਵੈਨਕੂਵਰ ਵ੍ਹਾਈਟਕੈਪਸ ਨੇ ਲਿਓਨੇਲ ਮੇਸੀ ਦੀ ਟੀਮ ਇੰਟਰ ਮਿਆਮੀ ਨੂੰ 2-0 ਨਾਲ ਹਰਾ ਦਿੱਤਾ। ਵੈਨਕੂਵਰ ਵ੍ਹਾਈਟਕੈਪਸ ਦਾ ਪ੍ਰਦਰਸ਼ਨ ਜ਼ੋਰਦਾਰ ਰਿਹਾ, ਉੱਥੇ ਹੀ ਬੀ.ਸੀ. ਪਲੇਸ ਸਟੇਡੀਅਮ ਵਿੱਚ ਪਹੁੰਚੇ 50,000 ਤੋਂ ਵੀ ਵੱਧ ਪ੍ਰਸ਼ੰਸਕਾਂ ਵਿੱਚ ਬਹੁਤੇ ਮੈਸੀ ਨੂੰ ਦੇਖਣ ਲਈ ਪਹੁੰਚੇ ਸਨ। ਇਹ ਗਿਣਤੀ ਆਪਣੇ ਆਪ ਵਿੱਚ ਦਰਸ਼ਕਾਂ ਦੀ ਰਿਕਾਰਡ ਗਿਣਤੀ ਦਰਸਾਉਂਦੀ ਹੈ।

ਮੈਸੀ ਦੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਪੂਰਾ ਮੈਚ ਖੇਡਦੇ ਦੇਖ ਸਕੇ। ਇੰਟਰ ਮਿਆਮੀ ਦੀ ਸਟਾਰ ਪਾਵਰ ਦੇ ਬਾਵਜੂਦ ਵੈਨਕੂਵਰ ਵ੍ਹਾਈਟਕੈਪਸ ਨੇ 24ਵੇਂ ਅਤੇ 84ਵੇਂ ਮਿੰਟ ਵਿੱਚ ਗੋਲ ਦਾਗ ਕੇ ਜਿੱਤ ਹਾਸਲ ਕੀਤੀ, ਜਿਸ ਨਾਲ ਵੈਨਕੂਵਰ ਵ੍ਹਾਈਟਕੈਪਸ ਨੇ ਕੋਨਕਾਕੈਫ ਚੈਂਪੀਅਨਜ਼ ਕੱਪ ਫਾਈਨਲ ਵਿੱਚ ਪਹੁੰਚਣ ਲਈ ਆਪਣੀ ਸਥਿਤੀ ਮਜ਼ਬੂਤ ਕਰ ਲਈ ਹੈ।

ਹੁਣ ਕੋਨਕਾਕੈਫ ਚੈਂਪੀਅਨਜ਼ ਕੱਪ ਦੇ ਸੈਮੀਫਾਈਨਲ ਦਾ ਦੂਜਾ ਨਿਰਣਾਇਕ ਮੈਚ 30 ਅਪ੍ਰੈਲ ਨੂੰ ਫਲੋਰੀਡਾ ਦੇ ਚੇਜ਼ ਸਟੇਡੀਅਮ ਵਿੱਚ ਹੋਵੇਗਾ।