24.15C Vancouver 24.15C VancouverFeb 25, 2021 6:25 PM -
ਵਰਲਡ ਹੈਲਥ ਅਰਗੇਨਾਈਜ਼ੇਸ਼ਨ ਦੇ ਯੂਰਪ ਦੇ ਯੂਨਿਟ ਦਾ ਕਹਿਣਾ ਹੈ ਕਿ ਕੋਵਿਡ-19 ਤੋਂ ਪੀੜਤ ਹੋਣ ਵਾਲੇ, ਹਰ 10 ਵਿੱਚੋਂ ਇੱਕ ਵਿਅਕਤੀ ਨੂੰ ਇਸ ਦੇ ਲੰਮੇ ਸਮੇਂ ਦੇ ਪ੍ਰਭਾਵਾਂ ਤੋਂ ਨਜਿੱਠਣਾ ਪੈ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਵਾਇਰਸ ਤੋਂ ਪ੍ਰਭਾਵਿਤ ਹੋਣ ਤੋਂ 12 ਹਫ਼ਤੇ ਬਾਅਦ ਵੀ ਇਹਨਾਂ ਲੋਕਾਂ ਨੂੰ ਸਿਹਤ ਸੰਬੰਧੀ ਪ੍ਰੇਸ਼ਾਨੀਆਂ ਹੋ ਰਹੀਆਂ ਹਨ।
ਇਹਨਾਂ ਲੰਮੇ ਸਮੇਂ ਦੇ ਲੱਛਣਾਂ 'ਚ ਬਹੁਤੀ ਥਕਾਵਟ, ਛਾਤੀ 'ਚ ਦਰਦ, ਸਰ ਦੁਖਣਾ, ਯਾਦਦਾਸ਼ਤ ਪ੍ਰਭਾਵਿਤ ਹੋਣਾ, ਸੁੰਘਣ ਦੀ ਸ਼ਕਤੀ ਪ੍ਰਭਾਵਿਤ ਹੋਣਾ, ਅਤੇ ਕੁਝ ਹੋਰ ਲੱਛਣ ਸ਼ਾਮਿਲ ਹਨ।
ਵਰਲਡ ਹੈਲਥ ਅਰਗੇਨਾਈਜ਼ੇਸ਼ਨ ਦੇ ਯੂਰਪ ਯੂਨਿਟ ਦੇ ਮੁਖੀ, ਡਾ. ਹੈਂਸ ਕਲੂਗ (Dr. Hans Kluge) ਦਾ ਕਹਿਣਾ ਹੈ ਕਿ ਇਹਨਾਂ ਪ੍ਰਭਾਵਾਂ 'ਤੇ ਵਧੇਰੇ ਕੰਮ ਕਰਨ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਇਸ ਪ੍ਰਕਾਰ ਦੇ ਪ੍ਰਭਾਵਾਂ ਵਾਲੇ ਵਾਇਰਸ ਨੂੰ 'ਲੌਂਗ ਕੋਵਿਡ' ਦੱਸਿਆ ਜਾ ਰਿਹਾ ਹੈ।
ਡਾ. ਕਲੂਗ ਅਨੁਸਾਰ ਡਾਟਾ ਦਰਸ਼ਾਉਂਦਾ ਹੈ ਕਿ ਪ੍ਰਭਾਵਿਤ ਲੋਕਾਂ ਵਿੱਚ 4 ਵਿੱਚੋਂ ਇੱਕ ਨੂੰ ਇੱਕ ਮਹੀਨੇ ਤਕ ਅਜਿਹੇ ਪ੍ਰਭਾਵਾਂ, ਅਤੇ 10 ਵਿੱਚੋਂ ਇੱਕ ਨੂੰ ਕਰੀਬ 12 ਹਫ਼ਤੇ ਤਕ ਅਜਿਹੇ ਪ੍ਰਭਾਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
