6.43C Vancouver 6.43C VancouverJul 7, 2025 4:13 PM - The Canadian Press
ਬੀ.ਸੀ. ਵਿਚ ਮੌਜੂਦਾ ਸਮੇਂ ਸਭ ਤੋਂ ਪ੍ਰਮੁੱਖ ਲਿਟਨ ਦੇ ਨੌਰਥ ਵਿਚ ਬਲ ਰਹੀ ਜੰਗਲੀ ਅੱਗ 245 ਹੈਕਟੇਅਰ ਤੱਕ ਵੱਧ ਚੁੱਕੀ ਹੈ। ਇਹ ਇਲਾਕਾ ਵੈਨਕੂਵਰ ਤੋਂ ਲਗਭਗ 250 ਕਿਲੋਮੀਟਰ ਉੱਤਰ-ਪੂਰਬ ਵਿਚ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਇਸ ਨੂੰ ਕਾਬੂ ਤੋਂ ਬਾਹਰ ਸ਼੍ਰੇਣੀ ਵਿਚ ਰੱਖਿਆ ਹੈ, ਜਿਸ ਦਾ ਮਤਲਬ ਹੈ ਕਿ ਇਹ ਆਪਣੇ ਮੌਜੂਦਾ ਘੇਰੇ ਤੋਂ ਹੋਰ ਵੱਧ ਸਕਦੀ ਹੈ। ਇਸ ਅੱਗ ਦਾ 2 ਜੁਲਾਈ ਨੂੰ ਪਤਾ ਲੱਗਾ ਸੀ, ਉਦੋਂ ਤੋਂ ਇਹ ਲਗਾਤਾਰ ਵਧੀ ਹੈ।
ਲਿਟਨ- ਥੌਮਸਨ-ਨਿਕੋਲਾ ਖੇਤਰੀ ਜ਼ਿਲ੍ਹੇ ਵਿਚ ਸਥਿਤ ਹੈ, ਜਿਸ ਦੇ ਅਧਿਕਾਰ ਖੇਤਰ ਵਿਚ ਆਉਂਦੇ ਇਜ਼ਮਾਨ ਕ੍ਰੀਕ ਵਾਈਲਡਫਾਇਰ ਕਾਰਨ ਕੁਝ ਘਰਾਂ ਨੂੰ ਖਾਲੀ ਕਰਨ ਦੇ ਹੁਕਮ ਲਾਗੂ ਹਨ।
ਇਸ ਦੇ ਚੇਜ ਟਾਊਨ ਕੋਲ ਵੀ ਜੰਗਲੀ ਅੱਗ ਲੱਗੀ ਹੋਈ ਹੈ ਪਰ ਸ਼ੁੱਕਰਵਾਰ ਨੂੰ ਇੱਥੇ ਨਿਕਾਸੀ ਦੀ ਚੇਤਾਵਨੀ ਨੂੰ ਹਟਾ ਦਿੱਤਾ ਗਿਆ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਮੁਤਾਬਕ, ਸੂਬੇ ਵਿਚ ਇਸ ਸਮੇਂ 82 ਥਾਵਾਂ 'ਤੇ ਜੰਗਲ ਵਿਚ ਅੱਗਾਂ ਬਲ ਰਹੀਆਂ ਹਨ, ਜਿਨ੍ਹਾਂ ਵਿਚੋਂ 21ਕਾਬੂ ਤੋਂ ਬਾਹਰ ਸ਼੍ਰੇਣੀ ਵਿਚ ਹਨ।
