9.04C Vancouver 9.04C VancouverJul 15, 2022 7:24 PM - The Canadian Press
ਬੀ.ਸੀ. 'ਚ ਲਿਟਨ ਦੇ ਕੋਲ ਪੱਛਮੀ ਇਲਾਕੇ 'ਚ ਜਾਰੀ ਵਾਈਲਡਫਾਇਰ ਦਾ ਆਕਾਰ ਵੱਡਾ ਹੁੰਦਾ ਜਾ ਰਿਹਾ ਹੈ।
ਇਸ ਅੱਗ ਨੇ ਹੁਣ ਤਕ 5 ਸਕਵੇਅਰ ਕਿਲੋਮੀਟਰ ਯਾਨੀ ਕਿ 500 ਹੈਕਟੇਅਰ ਇਲਾਕੇ 'ਚ ਦਰਖਤ ਅਤੇ ਝਾੜੀਆਂ ਨੂੰ ਸਾੜ ਦਿੱਤਾ ਹੈ।
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦੀ ਬੁਲਾਰੀ ਟੇਲਰ ਕੋਲਮੈਨ ਦਾ ਕਹਿਣਾ ਹੈ ਕਿ ਅੱਗ ਫਿਲਹਾਲ ਆਊਟ ਆਫ ਕੰਟਰੋਲ ਹੈ।
ਉਨ੍ਹਾਂ ਕਿਹਾ ਕਿ ਲਗਾਤਾਰ ਵਗਦੀ ਤੇਜ ਹਵਾ ਕਾਰਨ ਬੇਕਾਬੂ ਅੱਗ ਨੂੰ ਵਧਣ 'ਚ ਮਦਦ ਮਿਲ ਰਹੀ ਹੈ।
ਲਿਟਨ ਫਰਸਟ ਨੇਸ਼ਨ ਅਤੇ ਥਾਂਪਸਨ ਨਿਕੋਲਾ ਰੀਜਨਲ ਡਿਸਟ੍ਰਿਕਟ ਲਈ ਕਈ ਇਵੈਕੂਏਸ਼ਨ ਆਰਡਰ ਅਤੇ ਇਵੈਕੂਏਸ਼ਨ ਐਲਰਟ ਵੀ ਜਾਰੀ ਕਰ ਦਿੱਤੇ ਗਏ ਹਨ।
ਰੀਜਨਲ ਡਿਸਟ੍ਰਿਕਟ ਵੱਲੋਂ ਉਨ੍ਹਾਂ ਰਿਪੋਰਟਸ ਬਾਰੇ ਪਤਾ ਲਗਾਉਣ ਦੀ ਕੋਸ਼ਿਸ਼ ਜਾਰੀ ਹੈ, ਜਿੰਨਾ ਅਨੁਸਾਰ ਅੱਗ ਦੀਆਂ ਲਪਟਾਂ ਕਾਰਨ 3 ਇਮਾਰਤਾਂ ਨੁਕਸਾਨੀਆਂ ਗਈਆਂ ਹਨ।
ਕੋਲਮੈਨ ਦੇ ਦੱਸਿਆ ਕਿ ਅੱਗ ਵੀਰਵਾਰ ਨੂੰ ਦੁਪਹਿਰ ਦੇ ਸਮੇਂ ਸ਼ੁਰੂ ਹੋਈ ਸੀ।
ਉਨ੍ਹਾਂ ਕਿਹਾ ਕਿ ਅੱਗ 'ਤੇ ਕਾਬੂ ਪਾਉਣ ਲਈ ਇਲਾਕੇ 'ਚ ਪਹੁੰਚ ਕਰਨੀ ਵੀ ਇੱਕ ਚੁਣੌਤੀ ਹੈ ਅਤੇ ਇਸ ਦਾ ਕਾਰਨ ਪ੍ਰਭਾਵਿਤ ਇਲਾਕੇ 'ਚ ਸੜਕਾਂ ਦੀ ਘਾਟ ਨੂੰ ਦੱਸਿਆ।
ਉਨ੍ਹਾਂ ਇਹ ਵੀ ਦੱਸਿਆ ਕਿ 20-20 ਮੈਂਬਰਾਂ ਦੀਆਂ 3 ਕਰਿਊਸ ਇਸ ਅੱਗ 'ਤੇ ਕਾਬੂ ਪਾਉਣ ਲਈ ਜੁਟੀਆਂ ਹੋਈਆਂ ਹਨ ਅਤੇ ਅੱਗ 'ਤੇ ਕਾਬੂ ਪਾਉਣ ਲਈ ਹੈਲੀਕਾਪਟਰਸ ਦੀ ਵਰਤੋਂ ਵੀ ਕੀਤੀ ਜਾ ਰਹੀ ਹੈ।
