14.01C Vancouver 14.01C VancouverMay 30, 2025 5:56 PM - The Canadian Press
ਬੀਸੀ ਦੇ ਪੀਸ ਰਿਵਰ ਇਲਾਕੇ ਵਿਚ ਲੱਗੀ ਅੱਗ ਦਾ ਸਾਈਜ਼ ਚਾਰ ਗੁਣਾ ਵੱਧ ਗਿਆ ਹੈ। ਬੀਤੇ ਕੱਲ੍ਹ ਹੀ ਇਸ ਦੇ ਨੇੜੇ ਸਥਿਤ ਕੈਲੀ ਲੇਕ ਕਮਿਊਨਿਟੀ ਦੇ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਜਾਣ ਦੇ ਹੁਕਮ ਦਿੱਤੇ ਗਏ ਸਨ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਕਿਹਾ ਕਿ ਇਹ ਅੱਗ ਹੁਣ ਲਗਭਗ 46 ਵਰਗ ਕਿਲੋਮੀਟਰ ਤੱਕ ਫੈਲ ਗਈ ਹੈ, ਵੀਰਵਾਰ ਦੁਪਹਿਰ ਤੱਕ ਇਹ 11 ਵਰਗ ਕਿਲੋਮੀਟਰ ਸੀ।
ਇਹ ਬੇਕਾਬੂ ਜੰਗਲੀ ਅੱਗ ਪੇਂਬੀਨਾ ਸਟੀਪਰੌਕ ਗੈਸ ਪ੍ਰੋਸੈਸਿੰਗ ਸਹੂਲਤ ਅਤੇ ਹੈਰੀਟੇਜ ਹਾਈਵੇ ਦੇ ਨੇੜੇ ਲੱਗੀ ਹੋਈ ਸੀ। ਪੀਸ ਰਿਵਰ ਰੀਜਨਲ ਡਿਸਟ੍ਰਿਕਟ ਵਲੋਂ ਇਸ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਕੈਲੀ ਝੀਲ ਅਤੇ ਕੈਂਪਬੈਲ ਝੀਲ ਦੇ ਆਸਾਪਸ ਸਥਿਤ ਘਰਾਂ ਲਈ ਨਿਕਾਸੀ ਦਾ ਹੁਕਮ ਜਾਰੀ ਕਰ ਦਿੱਤੇ ਗਏ ਸਨ। ਇਹ ਸੂਬੇ ਵਿਚ ਬਲ ਰਹੀਆਂ ਲਗਭਗ 60 ਅੱਗ ਵਿਚੋਂ ਇੱਕ ਹੈ, ਜਿਨ੍ਹਾਂ ਵਿਚੋਂ 34 ਦੀ ਸਥਿਤੀ ਕਾਬੂ ਤੋਂ ਬਾਹਰ ਦੱਸੀ ਗਈ ਹੈ।
