ਚੇਟਵਿੰਡ ਬੀ.ਸੀ. ਨੇੜੇ ਕੰਟਰੋਲ ਤੋਂ ਬਾਹਰ ਜੰਗਲ ਦੀ ਅੱਗ ਨੂੰ ਦੇਖਦੇ ਹੋਏ ਨਿਕਾਸੀ ਦੇ ਹੁਕਮ ਜਾਰੀ

ਚੇਟਵਿੰਡ ਬੀ.ਸੀ. ਨੇੜੇ ਕੰਟਰੋਲ ਤੋਂ ਬਾਹਰ ਜੰਗਲ ਦੀ ਅੱਗ ਨੂੰ ਦੇਖਦੇ ਹੋਏ ਨਿਕਾਸੀ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਪੁਲਿਸ ਅਤੇ ਅੱਗ ਬੁਝਾਉਣ ਵਾਲਿਆਂ ਵਲੋਂ ਘਰ-ਘਰ ਜਾ ਕੇ ਚੇਟਵਿੰਡ ਨੇੜੇ ਜੰਗਲ ਦੀ ਅੱਗ ਦੇ ਆਸ-ਪਾਸ ਰਹਿ ਰਹੇ ਲੋਕਾਂ ਨੂੰ ਘਰ ਖਾਲੀ ਕਰਨ ਲਈ ਕਿਹਾ ਜਾ ਰਿਹਾ ਹੈ।

ਬੀ.ਸੀ. ਵਾਈਡਲ ਫਾਇਰ ਸਰਵਿਸ ਨੇ ਬੁੱਧਵਾਰ ਸ਼ਾਮ ਨੂੰ ਇਕ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਦੱਸਿਆ ਕਿ ਸਥਾਨਕ ਆਰ.ਸੀ.ਐੱਮ.ਪੀ. ਅਤੇ ਚੇਟਵਿੰਡ ਫਾਇਰ ਡਿਪਾਰਟਮੈਂਟ ਅੱਗ ਦੇ ਨੇੜੇ ਤਕਨੀਕੀ ਨਿਕਾਸੀ ਕਰ ਰਹੇ ਹਨ, ਜਿਸ ਦਾ ਪਤਾ ਦੁਪਹਿਰ 3:45 ਵਜੇ ਦੇ ਕਰੀਬ ਲੱਗਾ ਸੀ।

ਏਜੰਸੀ ਅਨੁਸਾਰ ਇਹ ਅੱਗ ਕੁਝ ਹੀ ਘੰਟਿਆਂ ਵਿਚ 40 ਹੈਕਟੇਅਰ ਵਿਚ ਫੈਲ ਗਈ ਸੀ। ਇਸ ਦੌਰਾਨ ਜੰਗਲ ਦੀ ਅੱਗ ਕਾਰਨ ਹਾਈਵੇਅ 97 ਦਾ 10 ਕਿਲੋਮੀਟਰ ਲੰਬਾ ਹਿੱਸਾ ਵੀ ਦੋਵਾਂ ਦਿਸ਼ਾਵਾਂ ਵਿੱਚ ਬੰਦ ਕਰ ਦਿੱਤਾ ਗਿਆ ਹੈ।

ਡਰਾਈਵ ਬੀ.ਸੀ. ਦਾ ਕਹਿਣਾ ਹੈ ਕਿ ਇਹ ਬੰਦ ਪਿ੍ਰੰਸ ਜਾਰਜ ਤੋਂ ਲਗਭਗ 300 ਕਿਲੋਮੀਟਰ ਉੱਤਰ ਵਿੱਚ ਚੇਟਵਿੰਡ ਤੋਂ ਚਾਰ ਕਿਲੋਮੀਟਰ ਦੀ ਦੂਰੀ ’ਤੇ ਸ਼ੁਰੂ ਹੁੰਦਾ ਹੈ ਅਤੇ 14 ਕਿਲੋਮੀਟਰ ਦੂਰ ਖਤਮ ਹੁੰਦਾ ਹੈ।

ਇਸ ਤੋਂ ਪਹਿਲਾਂ ਸ਼ਾਮ 7 ਵਜੇ ਦੇ ਕਰੀਬ ਪਾਈਨ ਨਦੀ ਖੇਤਰ ਲਈ ਵੀ ਨਿਕਾਸੀ ਦੇ ਹੁਕਮ ਜਾਰੀ ਕੀਤੇ ਗਏ ਸਨ। ਜ਼ਿਰਯੋਗ ਹੈ ਕਿ ਬੁੱਧਵਾਰ ਦਾ ਇਹ ਨਿਕਾਸੀ ਦਾ ਹੁਕਮ ਸੂਬੇ ਦਾ ਅਜਿਹਾ ਪਹਿਲਾ ਹੁਕਮ ਹੈ ਜੋ ਜੰਗਲੀ ਅੱਗ ਦੇ ਸੀਜ਼ਨ ਦੀ ਜਲਦੀ ਸ਼ੂਰੂਆਤ ਕਾਰਨ ਜਾਰੀ ਕੀਤਾ ਗਿਆ ਹੈ।