17.57C Vancouver 17.57C VancouverJan 10, 2025 5:35 PM - Connect Newsroom
ਅਮਰੀਕਾ ਦੀ ਕੈਲੀਫੋਰਨੀਆ ਸਟੇਟ ਦੇ ਲਾਸ ਏਂਜਲਸ ਖੇਤਰ ਦੇ ਜੰਗਲਾਂ ਵਿਚ ਲੱਗੀ ਅੱਗ ਸ਼ਹਿਰ ਦੇ ਅੰਦਰ ਤੱਕ ਪਹੁੰਚਣ ਨਾਲ ਹੁਣ ਤੱਕ ਘੱਟੋ-ਘੱਟ 10 ਲੋਕਾਂ ਦੀ ਮੌਤ ਹੋਣ ਦਾ ਪਤਾ ਲਗਾਇਆ ਜਾ ਸਕਿਆ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਅਸਲ ਮੌਤਾਂ ਦੀ ਗਿਣਤੀ ਉਦੋਂ ਤੱਕ ਸਪੱਸ਼ਟ ਨਹੀਂ ਹੋਵੇਗੀ ਜਦੋਂ ਤੱਕ ਜਾਂਚਕਰਤਾ ਲਈ ਇਲਾਕੇ ਵਿਚ ਪੂਰੀ ਤਰ੍ਹਾਂ ਜਾਣਾ ਸੁਰੱਖਿਅਤ ਨਹੀਂ ਹੋ ਜਾਂਦਾ। ਲਾਸ ਏਂਜਲਸ ਕਾਉਂਟੀ ਵਿਚ ਇਸ ਸਮੇਂ ਘੱਟੋ-ਘੱਟ 4 ਵੱਡੀਆਂ ਜੰਗਲੀਆਂ ਅੱਗਾਂ ਬਲ ਰਹੀਆਂ ਹਨ, ਪਿਛਲੇ 4 ਦਿਨਾਂ ਤੋਂ ਲੱਗੀ ਇਸ ਅੱਗ ਨਾਲ 29 ਹਜ਼ਾਰ ਏਕੜ ਦਾ ਇਲਾਕਾ ਪੂਰੀ ਤਰ੍ਹਾਂ ਸੜ ਚੁੱਕਾ ਹੈ।
ਇਸ ਅੱਗ ਵਿਚ 10,000 ਤੋਂ ਵੱਧ ਇਮਾਰਤਾਂ ਰਾਖ਼ ਹੋ ਚੁੱਕੀਆਂ ਹਨ ਅਤੇ 30 ਹਜ਼ਾਰ ਦੇ ਕਰੀਬ ਘਰਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਪੈਲੀਸੇਡਸ ਅਤੇ ਈਟਨ ਦੀ ਅੱਗ ਦੋਵੇਂ ਮੰਗਲਵਾਰ ਸ਼ੁਰੂ ਹੋਈਆਂ ਸਨ ਜੋ ਲਾਸ ਏਂਜਲਸ ਵਿਚ ਲੱਗੀਆਂ ਦੋ ਸਭ ਤੋਂ ਵੱਡੀਆਂ ਅੱਗਾਂ ਹਨ।
ਅੱਗ ਬੁਝਾਊ ਟੀਮਾਂ ਨੂੰ ਖਦਸ਼ਾ ਹੈ ਕਿ ਅਗਲੇ ਹਫ਼ਤੇ ਵੀ ਤੇਜ਼ ਹਵਾਵਾਂ ਅਤੇ ਡਰਾਈ ਕੰਡੀਸ਼ਨ ਬਣੀਆਂ ਰਹਿਣਗੀਆਂ, ਜਿਸ ਨਾਲ ਅੱਗ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਵਿਚ ਵਿਘਨ ਪੈ ਸਕਦਾ ਹੈ।
