26.78C Vancouver 26.78C VancouverNov 3, 2022 12:21 AM - The Canadian Press
ਸਰੀ ਦੇ ਆਊਟਗੋਇੰਗ ਮੇਅਰ ਡਗ ਮੈਕੱਲਮ ਖਿਲਾਫ ਮਿਸਚੀਫ ਦੇ ਦੋਸ਼ਾਂ ਤਹਿਤ ਅੱਜ ਟ੍ਰਾਇਲ ਦੇ ਤੀਜੇ ਦਿਨ ਦੀ ਸੁਣਵਾਈ ਹੋਈ।
ਅੱਜ ਕੋਰਟ 'ਚ ਇੱਕ ਬਾਇਓਮਕੈਨੀਕਲ ਇੰਜੀਨੀਅਰ ਦੀ ਗਵਾਹੀ ਹੋਈ।
ਸਰੀ ਪ੍ਰੋਵਿੰਸ਼ੀਅਲ ਕੋਰਟ 'ਚ ਡੈਨਿਸ ਕਿਮਿਚ ਨਾਮ ਦੇ ਬਾਇਓਮਕੈਨੀਕਲ ਇੰਜੀਨੀਅਰ ਨੇ ਕਿਹਾ ਕਿ ਉਨ੍ਹਾਂ ਡਗ ਮੈਕੱਲਮ ਦੇ ਪੈਰ ਦੀਆਂ ਤਸਵੀਰਾਂ ਐਗਜਾਮਿਨ ਕੀਤੀਆਂ ਹਨ ਅਤੇ ਉਨ੍ਹਾਂ ਅਨੁਸਾਰ ਜੋ ਸੋਜਿਸ਼ ਵਿਖਾਈ ਦਿੰਦੀ ਹੈ ਉਹ ਇੰਜਰੀ ਕਾਰਨ ਹੋਈ ਹੋ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਮੈਕੱਲਮ ਨੂੰ ਕੋਈ ਹੱਡੀ ਦੀ ਸੱਟ ਨਹੀਂ ਲੱਗੀ, ਇਸ ਦਾ ਇਹ ਅਰਥ ਨਹੀਂ ਕੱਢਿਆ ਜਾ ਸਕਦਾ ਕਿ ਗੱਡੀ ਪੈਰ 'ਤੇ ਚੜ੍ਹੀ ਨਹੀਂ ਹੋ ਸਕਦੀ।
ਯਾਦ ਰਹੇ ਮੈਕੱਲਮ 'ਤੇ ਪਬਲਿਕ ਮਿਸਚੀਫ ਦੇ ਦੋਸ਼ ਲੱਗੇ ਹਨ।
ਉਨ੍ਹਾਂ 'ਤੇ ਝੂਠੇ ਬਿਆਨ ਦੇਣ ਦੇ ਦੋਸ਼ ਹਨ ਕਿ ਇੱਕ ਔਰਤ ਨੇ ਗਰੋਸਰੀ ਸਟੋਰ ਕੋਲ ਹੋਈ ਤਕਰਾਰ ਤੋਂ ਬਾਅਦ ਉਨ੍ਹਾਂ ਦੇ ਪੈਰ 'ਤੇ ਗੱਡੀ ਚੜ੍ਹਾ ਦਿੱਤੀ ਸੀ।
ਯਾਦ ਰਹੇ ਸੋਮਵਾਰ ਨੂੰ ਕੋਰਟ 'ਚ ਘਟਨਾ ਵਾਲੇ ਦਿਨ ਦੀ ਸਰਵੇਲੈਂਸ ਵੀਡੀਓ ਵਿਖਾਈ ਗਈ ਸੀ, ਜਦ ਮੈਕੱਲਮ ਨਾਲ ਇੱਕ ਔਰਤ ਦੀ ਗੱਡੀ 'ਚ ਬੈਠੇ ਹੋਏ ਬਹਿਸ ਹੋਈ ਸੀ ਅਤੇ ਫਿਰ ਗੱਡੀ ਮੌਕੇ ਤੋਂ ਜਾਣ ਤੋਂ ਬਾਅਦ ਮੈਕੱਲਮ ਦੀ ਚਾਲ ਵਿੱਚ ਕੋਈ ਫਰਕ ਵਿਖਾਈ ਨਹੀਂ ਦਿੱਤਾ ਸੀ। ਮੈਕੱਲਮ ਨੇ ਮਾਮਲੇ 'ਚ ਖੁਦ ਨੂੰ ਬੇਕਸੂਰ ਦੱਸਿਆ ਹੈ।
