21.68C Vancouver 21.68C VancouverAug 22, 2022 7:19 PM - Connect News
ਨਿਊ ਵੈਸਟਮਿਨਸਟਰ ਪੁਲਿਸ ਵੱਲੋਂ ਇੱਕ ਗਰੋਸਰੀ ਸਟੋਰ 'ਤੇ ਵਾਪਰੀ ਡਕੈਤੀ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਅਨੁਸਾਰ ਘਟਨਾ ਨੂੰ ਹਥਿਆਰ ਦੇ ਜੋਰ 'ਤੇ ਅੰਜਾਮ ਦਿੱਤਾ ਗਿਆ।
ਮਾਮਲਾ 17 ਅਗਸਤ ਦਾ ਦੱਸਿਆ ਗਿਆ ਹੈ।
ਸ਼ਾਮ ਕਰੀਬ 7 ਵਜੇ ਸਟੋਰ ਦੇ ਲੌਸ ਪ੍ਰਿਵੈਂਸ਼ਨ ਅਫਸਰਾਂ ਨੇ ਵੇਖਿਆ ਕਿ ਇੱਕ ਆਦਮੀ ਗਰੋਸਰੀ ਸਟੋਰ ਤੋਂ ਮਰਚੈਂਡਾਈਜ ਚੋਰੀ ਕਰ ਰਿਹਾ ਸੀ।
ਜਦ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਆਦਮੀ ਨੇ ਕੈਂਚੀ ਅਤੇ ਚਾਕੂ ਨਾਲ ਸਟਾਫ਼ ਨੂੰ ਧਮਕਾਇਆ ਅਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ।
ਪੁਲਿਸ ਅਫ਼ਸਰ ਮੌਕੇ 'ਤੇ ਪਹੁੰਚੇ ਅਤੇ ਸਟੋਰ ਤੋਂ ਕੁਝ ਦੂਰੀ 'ਤੇ ਪਛਾਣ ਅਨੁਸਾਰ ਇੱਕ ਸ਼ੱਕੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਮਾਮਲੇ 'ਚ ਸਰੀ ਦੇ 31 ਸਾਲ ਕ੍ਰਿਸਟੋਫਰ ਐਗਸਟੀਨੋ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪੁਲਿਸ ਅਧਿਕਾਰੀ ਅਨੁਸਾਰ ਕਰਮਚਾਰੀ ਸਿਰਫ ਆਪਣਾ ਕੰਮ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ ਅਤੇ ਖੁਸ਼ਕਿਸਮਤੀ ਸੀ ਕਿ ਉਨ੍ਹਾਂ ਦਾ ਸੱਟਫੇਟ ਤੋਂ ਬਚਾਅ ਰਿਹਾ।
